Maenbulɛfoɛ 6:25 - AHYERƐLƐ KRONGRON

²⁵ Sɔ kyẽa ne kɔngɔen, AWURADE sele Gideon kyɛ, “Fa wɔ baba nandwie nyii bɔ ɔtɔ so nyɔ, bɔ wali afoɛ nzoo ne. Bubu wɔ baba ye Baal afɔleɛ bokyea ne gua, ná pɛ bosoen Asera dosii bɔ ɔwɔ ye ngyɛnu berɛ ne to.

Maenbulɛfoɛ 6:25 Iomraidhean Croise

Gyenesise 35:2

Yiti Yakob sele ye awuro ama ne bɛ bɔ bɛboka ye so amu kyɛ, “Ɛ́mɔgyi Amaenmaensofoɛ nyameɛ mɔ bɔ bɛwɔ ɛmɔ nwo ne begua, ɛ́mɔpete ɛmɔ nwo, na ɛ́mɔsesã ɛmɔ ndaadeɛ.

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

YOB NWOMAA NE 22:23

Sɛ esa kɔ Tuminiɛ ne berɛ a, ɔkɔmaa ekosa kɔpe wɔ daa nu; sɛ etu bra fiɛ bo efi w’awuro kɔ dededede a,

Edwein 101:2

Atee bɔ ɔte pɛpɛɛpɛ ne, so yeɛ ngɔfa ɔ. Ao, kyinzu yeɛ ɛkɔwa me nwo wa ɔ? Ngɔfa ahone bɔ nu te ɔ ngɔnate m’awuro berɛ.

Ɛksadɔso 34:13

Ɛ́mɔbubu b’afɔleɛ bokyea nemɔ bégua, ɛ́mɔbubu bɛ bonima nemɔ, ná ɛ́mɔpepɛ bɛ bosoen Asera dosii nemɔ begua.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

Deuteronomi 7:5

Nakoso bɔ ɔsɛ kyɛ ɛmɔfa bɛyɔ bɛ hɔ ɛhe: Ɛ́mɔdwiri b’afɔleɛ bokyea nemɔ bégua, ná ɛ́mɔbubu bɛ bonima nemɔ nu gɔsɔgɔsɔ; ɛ́mɔpepɛ bosoen Asera dosii nemɔ bégua, ná ɛ́mɔfa see bɛ́yera b’amoen nemɔ.

Maenbulɛfoɛ 2:11

Yisraelfoɛ yɔle bɔ ɔte bɔne wɔ AWURADE nyunu ɔ, na bɛsole mmosoen Baal.

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.

Maenbulɛfoɛ 6:26

Si afɔleɛ bokyea ma AWURADE wɔ Nyameɛ wɔ bokaa he ti afia, ná hyehyɛ afɔleɛ bokyea nyɔboɛ ne pɛpɛɛpɛ. Afei fa nandwie nyii bɔ ɔtɔ so nyɔ ne, ná fa bosoen Asera dosii bɔ ɛkɔpɛ ne boka so bɔ naen yeralɛ afɔleɛ.”