Maenbulɛfoɛ 6:24 - AHYERƐLƐ KRONGRON

²⁴ Gideon sili afɔleɛ bokyea mane AWURADE wɔ berɛ, na ɔtole afɔleɛ bokyea ne dumaa AWURADE te Asomdwee. Afɔleɛ bokyea ne tɛ gyi Abiesefoɛ kuro Ofra nu maa waadwu ɛnɛ.

Maenbulɛfoɛ 6:24 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 12:8

Afei otu fili berɛ hɔle mmokaa aseɛ bɔ ɔwɔ Betel eyia afiteleɛ ne aso dɔ, na osili ye ɛtena sua wɔ berɛ; bɔ né Betel wɔ ye eyia atɔleɛ, yeɛ Aye koso wɔ ye eyia afiteleɛ. Osili afɔleɛ bokyea berɛ mane AWURADE, na ɔsɔnene AWURADE.

Gyenesise 22:14

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”

Gyenesise 33:20

Osili afɔleɛ bokyea berɛ, na ɔfrɛle ye Ɛl Elohe Yisrael.

2 Samuel 24:25

Dawide sili afɔleɛ bokyea mane AWURADE wɔ berɛ, na ɔbɔle naen yeralɛ afɔleɛ ne asomdwee afɔleɛ. Yiti AWURADE gyinane ye sufrɛ ne aso nwuni maen ne anwumvoin, na ɔpraprale ɛhawo ne fili Yisrael.

1 Ahemvo 18:32

Ɔfale nyɔboɛ nemɔ sili afɔleɛ bokyea wɔ AWURADE dumaa nu. Yeɛ ɔpɛle ɛkã fale afɔleɛ bokyea ne anwo bra yiale. Ɛka ne, ye piri kora fa aburoo kɔyɛ olonka nza.

Ɛsra 3:2

Afei Yesua bɔ ye baba ole Yosadake ne, ɔne ye mmango asɔfo mɔ, yeɛ Sɛtiɛl awa Serubabɛl ne ye abusuafoɛ bɛbɔle ye bo besili Yisrael Nyameɛ afɔleɛ bokyea, bɔ bɛkɔbɔ naen yeralɛ afɔleɛ wɔ so ɔ, kyɛbɔ bahyerɛ ye wɔ Nyameɛ sona Mose mmeraa ne anu ne.

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 33:16

Sɔ ngyẽa nemɔ anu, Yuda konya ye ti kodidi nu, na Yerusalem kɔtena asomdwee nu. Na dumaa bɔ bɛkɔfa bɛkɔfrɛ ye ole, ‘AWURADE Yɛ Tenenee.’

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Numeri 26:30

Gileade ye boso ama mɔ ɛhe: Yiesafoɛ bɔ bɛte Yiesa sasofoɛ; Helekefoɛ bɔ bɛte Heleke sasofoɛ;

Yosua 22:10

Mmerɛ bɔ Rubenfoɛ, Gadefoɛ ne Manase abusua kure ne bue beedwuli asue Yɔɔdan porɛ ne anu berɛ wɔ Kanaan aseɛ so nen, besili afɔleɛ bokyea kandinga bie wɔ asue Yɔɔdan noa.

Maenbulɛfoɛ 21:4

Ye alehyeleɛ ne, maen ne dwɔsole ngyerɛmɔ tutuutu. Besili afɔleɛ bokyea wɔ berɛ, na bɛbobɔle naen yeralɛ afɔleɛ ne asomdwee afɔleɛ.

Maenbulɛfoɛ 6:23

Nakoso AWURADE sele ye kyɛ, “Asomdwee ha wɔ. Nnɛsuro, na engowu.”

Maenbulɛfoɛ 8:27

Gideon fa yɔle amoen bɔ ɔte kyɛ ɔsɔfo ataadeɛ, na ɔsɔle amoen ne wɔ ye kuro Ofra. Yisrael maen amukoraa sɔnene amoen ne, na ɔɔyɛle ngaen mane Gideon ne ye abusuafoɛ.

Maenbulɛfoɛ 8:32

Yoase awa Gideon nyini yɛle aworowaa posoposo koraka yeɛ owu ɔ, na besiele ye wɔ ɔse Yoase ye nyɔboɛ sua nu wɔ Abiesefoɛ kuro Ofra.

1 Samuel 14:35

Yeɛ Sɔɔlo sili afɔleɛ bokyea mane AWURADE. Ɛhe te afɔleɛ bokyea bɔ oli moa bɔ osi mane AWURADE ɔ.

1 Samuel 7:17

Né ɔyɛ a, osa ba Rama, ofikyɛ ye kuro ɛne, na né ɔte berɛ yeɛ obu Yisrael maen ne ɔ. Na osili afɔleɛ bokyea berɛ mane AWURADE.