Maenbulɛfoɛ 6:22 - AHYERƐLƐ KRONGRON

²² Afei Gideon nwuni kyɛ AWURADE abɔfo ɔ; na Gideon sele kyɛ, “Dé me oo, AWURADE Nyameɛ! Ofikyɛ magyina AWURADE abɔfo nyunu manwu ye nyunu.”

Maenbulɛfoɛ 6:22 Iomraidhean Croise

Gyenesise 16:13

Yiti Hagar frɛle AWURADE bɔ odwudwo hyirele ye ne kyɛ, “Ɛte Nyameɛ bɔ enwu nikye ɔ”, na Hagar hane kyɛ, “Aso manwu AWURADE yeɛ ndɛ te ase ye?”

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

Gyenesise 32:31

Mmerɛ bɔ ɔ́pɛ nu wɔ Penuel ne, né eyia afite, na ɔnate ye dwongu bɔ né wafandi ne ati, né ɔtɔ gua so.

Ɛksadɔso 33:20

Na ɔfa sɔle so kyɛ, nakoso ɛngɔhora ngonwu me nyunu, ofikyɛ sona nnwu me nyunu ná onnya ngoa.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Deuteronomi 5:24

Na ɛmɔsele kyɛ, ‘AWURADE yɛ Nyameɛ waye ye animnyam ne ye tumi piri wahyire yɛ, na yate ye komvi yafi see ne anu. Ɛnɛ de, yanwu ye kyɛ, sɛ Nyameɛ ne sona dwudwo a, saa sɔ sona ne kora nya ngoa.

Deuteronomi 5:26

Ofikyɛ dasaniɛ beni yeɛ wate Nyameɛ teasefoɛ ne komvi kyɛ odwudwo fi see nu, kyɛbɔ yate ye, ná wanya ngoa ɔ?

Deuteronomi 5:5

Na sɔ mmerɛ ne, me de ngyinane AWURADE ne ɛmɔ afia, kyɛ méka AWURADE noa dwirɛ mékyire ɛmɔ; ofikyɛ né ɔnate see ne ati ɛmɔsuro, na ɛmɔamvo bangɔ bokaa ne aso. Na ɔhane kyɛ,

Maenbulɛfoɛ 6:23

Nakoso AWURADE sele ye kyɛ, “Asomdwee ha wɔ. Nnɛsuro, na engowu.”