Maenbulɛfoɛ 6:2 - AHYERƐLƐ KRONGRON

² Midian lili Yisrael so, na ɔnate Midian ti, Yisraelfoɛ bɔle bɛ nwo adwaa wɔ mmokaa so, nyɔboɛ bɔ wasi sua mɔ nu, ɔne anwoserɛ afealeɛ mɔ nu.

Maenbulɛfoɛ 6:2 Iomraidhean Croise

YOB NWOMAA NE 30:6

Bɔnza noa ngumaa nu yeɛ bɛtete ɔ, bɛtete bɔen ne nyɔbotaen nu ngumaa nu.

Yeremia 41:9

Mmienzua amukoraa bɔ ɔnate Gedalia ti Yismael huhuni bɛ ne, abura bɔ ogyili bɛ fuin nemɔ guale nu ne, ye ole abura bɔ Yisrael hene Baasa nwo suronyi ti Nana Asa tuli ne. Na Netania awa Yismael fale bɛ bɔ ohuni bɛ ne yili ye to.

Yeremia 48:28

“Ɛmɔ bɔ ɛmɔtete Moabo, ɛ́mɔtu béfi nguro nemɔ aso bɛɛtena nyɔbotaen nemɔ anu, ɛ́mɔyɛ kyɛ abubure bɔ ɔnwo ye saen wɔ kumaa noa ye ngyɛnu ɔ.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Hebrifoɛ 11:38

Bammu wiase kyɛ nikyee bɔ odi mu ma bɛ ɔ, behyinihyini ɛserɛ ne mmokaa so, na bɛtenane aseɛ so nyɔboɛ bɔ wasi sua, ɔne ngumaa mɔ nu.

Nyekyire 6:15

Na aseɛ so ahemvo, atitirefoɛ, esikafoɛ, safohene mɔ, anwoserɛfoɛ, yeɛ ngoaa ne nnehyeɛ amukoraa bɛfeafeale ngumaa mɔ nu ne mmokaa so nyɔbotaen mɔ nu.

Maenbulɛfoɛ 10:8

Bemiane Yisraelfoɛ nu, na bɛhyɛle bɛ so sɔ afoɛ ne. Yisraelfoɛ amukoraa bɔ né bɛwɔ asue Yɔɔdan si dɔ, wɔ Amorifoɛ aseɛ bɔ ɔwɔ Gileade so ne, Filistifoɛ hyɛle bɛ so afoɛ buru ne mmɔtwɛ.

Maenbulɛfoɛ 10:9

Amonfoɛ koso pɛle asue Yɔɔdan bɛhɔle ye si, na bɛfale koɛ bɛɛtetale Yuda, Benyamin yeɛ Efraim boso ama; na ɛhe mane Yisrael nwo hyerele ye paa.

Maenbulɛfoɛ 6:3

Ofikyɛ mmerɛ biala bɔ Yisraelfoɛ kɔyɔ eboo ne, né Midianfoɛ ne Amalɛkefoɛ ne eyia afiteleɛfoɛ bafa ngondii baateta bɛ.

1 Samuel 13:6

Yisraelfoɛ nwuni kyɛ koɛ ne anu ayɛ se ama bɛ, (ofikyɛ né Filistifoɛ ama koɛhonɛfoɛ nemɔ ali amia). Na bɛɛfeafeale nyɔboɛ bɔ wasi sua nu, ngumaa nu, nyɔbotaen nu, asieleɛ ne abura mɔ nu.

1 Samuel 14:11

Yiti bɛ munyɔ bɛmane Filistifoɛ koɛhonɛfoɛ nemɔ nwuni bɛ. Na Filistifoɛ sele kyɛ, “Ɛ́mɔnea, Hebrifoɛ befi ngumaa bɔ baafeafea nu nemɔ anu béfitefite.”