Maenbulɛfoɛ 6:13 - AHYERƐLƐ KRONGRON

¹³ Yeɛ Gideon buale ye kyɛ, “Me mene, sɛ AWURADE gyi yɛ si a, nzu ati yeɛ amaneɛ he amukoraa atoto yɛ ye? Ye anwanwadeɛ mbiri mbiri bɔ yɛ nana mɔ hane ye nwo dwirɛ hyirele yɛ kyɛ, ‘Aso nna AWURADE yeɛ ɔyele yɛ fili Misraim’ ne, bɛ wɔ ni? Kekesaala ye de, AWURADE aye ye sa yɛ bo, na wafa yɛ wawura Midian sa.”

Maenbulɛfoɛ 6:13 Iomraidhean Croise

Gyenesise 25:22

Ngwadaa nemɔ lili apereapereɛ wɔ ye kunu, na ɔhane kyɛ, “Sɛ ɔte sɔ de a, nzaade nzikyɛ dwirɛ yeɛ wato me ye?” Yiti ɔhɔle AWURADE sona berɛ oobisale so.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Edwein 27:9

Nnɛye wɔ nye fea me, nnɛfɛ yaa foa w’akoaa, na wɔ yeɛ ɛte me bokafoɛ ɔ. Nnɛpo me, yeɛ nnɛyakyi me nu, ao Nyameɛ, me ngoadefoɛ!

Edwein 44:1

Ao Nyameɛ, anwanwadeɛ bɔ ɛyɔle ye daa tete ne, wɔ yɛ nana mɔ b’aberɛ so ne, yɛ nana mɔ bahã bahyire yɛ; yɛ bɔbɔ yate ye wɔ yɛ so anu.

Edwein 44:2

Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Edwein 44:9

Nakoso afei de, apo yɛ agua yɛ nyunu ase, na ɛne yɛ koɛhonɛfoɛ nemɔ bɛngɔ koɛ ko.

Edwein 89:49

AWURADE, wɔ daa tete ɔdɔ bɔ onni ngasi ne, ɔwɔ nisua, ɔdɔ bɔ ɛnate wɔ nahorɛlilɛ so ɛfa tale ndaen hyirele Dawide ne?

Yesaya 41:17

Sɛ ehiafoɛ ne bɛ bɔ bɛyɛ anwumvo ɔ bɛpena nzue, ná ebie nne berɛ, bɔ nzuhɔen ama bɛ komvi awo ne, me AWURADE, ngotie bɛ sufrɛ, me, Yisrael Nyameɛ, mengɔpo bɛ.

Yesaya 63:11

Na afei ɔkayele daa tete mmerɛ ne, Mose ne ye maen, na obisale kyɛ, Ye bɔ ɔyele bɛ fili ɛpo nu, bɔ ɔte ye mmoaen so neafoɛ ne, ɔwɔ nisua? Ye bɔ ɔfale ye Sunzum krongron ne ɔɔtenane bɛ nu ne, ɔwɔ nisua?

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yeremia 23:33

Sɛ sɔ maen ye, anaa ngɔmhyɛlɛniɛ ne, anaa ɔsɔfo bie bisa wɔ kyɛ, ‘AWURADE ye adesoa ne ole nzu?’ a, ye de kã kyire bɛ kyɛ, ‘Ɛmɔ yeɛ ɛmɔte adesoa ne ɔ, na ngogyi ɛmɔ ngɔto, AWURADE noa dwirɛ ɛne.’

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Deuteronomi 29:24

bɛ ne maen maen mukoraati kɔha kyɛ, ‘Nzu ati yeɛ AWURADE ayɛ aseɛ ye sɔa ye? Nzikyɛ yeɛ ɔmane sɔ ɛyaa piri he wale ye?’

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Maenbulɛfoɛ 6:1

Yisraelfoɛ yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Midian sa afoɛ nzoo.

Maenbulɛfoɛ 6:12

AWURADE abɔfo ne yele ye nwo ali hyirele Gideon, na osele ye kyɛ, “Koɛhonɛniɛ ahoneserɛniɛ, AWURADE gyi wɔ si.”