Maenbulɛfoɛ 6:12 - AHYERƐLƐ KRONGRON

¹² AWURADE abɔfo ne yele ye nwo ali hyirele Gideon, na osele ye kyɛ, “Koɛhonɛniɛ ahoneserɛniɛ, AWURADE gyi wɔ si.”

Maenbulɛfoɛ 6:12 Iomraidhean Croise

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Luka 1:11

Na Awurade abɔfo bie ɔɔyele ye nwo ali hyirele ye, na oogyinane ɛyɛɛ afɔleɛ bokyea ne famaa so.

Luka 1:28

Na abɔfo ne wale ye berɛ oosele kyɛ, “Asomdwee hã wɔ! Wɔ bɔ balo wɔ ɔ, Awurade gyi wɔ si!”

Deuteronomi 20:1

“Sɛ ɛne wɔ pɔfoɛ mɔ bɛkwaaho koɛ, ná sɛ enwu mbɔngɔ mɔ ne teaseɛnam mɔ, ɔne ɛlɔen bɔ bɛsone bɛtra wɔ a, nnɛsuro bɛ; ofikyɛ AWURADE wɔ Nyameɛ bɔ ɔyele wɔ fili Misraim aseɛ so wale ne, ogyi wɔ si.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Maenbulɛfoɛ 11:1

Gileadeniɛ Yɛfeta bɔ oni te gyanderaniɛ ne, né ɔte koɛhonɛniɛ ahoneserɛniɛ. Yɛfeta ɔse ole Gileade.

Maenbulɛfoɛ 13:3

AWURADE abɔfo yele ye nwo ali hyirele braa ne, ná osele braa ne kyɛ, “Ɔwɔ nu kyɛ ɛte mmotaen bɔ ɛwwole baa le ɔ, nakoso ɛkɔnwonzɛ kɔwo baa bienzua.

Maenbulɛfoɛ 2:18

Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.

Maenbulɛfoɛ 6:11

AWURADE abɔfo hɔle ɔɔtenane Abieseniɛ Yoase eluii ne abo wɔ Ofra. Sɔ mmerɛ ne, né Yoase awa Gideon ɔboro atokoɔ wɔ kumaa bɔ betwi nzaa nu ɔ nu, ofikyɛ né ɔfa fea Midianfoɛ.

Maenbulɛfoɛ 6:13

Yeɛ Gideon buale ye kyɛ, “Me mene, sɛ AWURADE gyi yɛ si a, nzu ati yeɛ amaneɛ he amukoraa atoto yɛ ye? Ye anwanwadeɛ mbiri mbiri bɔ yɛ nana mɔ hane ye nwo dwirɛ hyirele yɛ kyɛ, ‘Aso nna AWURADE yeɛ ɔyele yɛ fili Misraim’ ne, bɛ wɔ ni? Kekesaala ye de, AWURADE aye ye sa yɛ bo, na wafa yɛ wawura Midian sa.”

Rutu 2:4

Sɔ mmerɛ ne, Boase fili Betlehem wale. Ɔha hyirele ayuotelɛfoɛ nemɔ kyɛ, “AWURADE gyina ɛmɔ si oo.” Na bebuale ye kyɛ, “AWURADE yira wɔ oo.”

1 Samuel 10:7

Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.