Maenbulɛfoɛ 6:10 - AHYERƐLƐ KRONGRON

¹⁰ Na nga ngyirele ɛmɔ kyɛ, ‘Me ole AWURADE ɛmɔ Nyameɛ; Amorifoɛ bɔ ɛmɔte b’aseɛ so ne, nnɛma ɛmɔsɔne bɛ nyameɛ mɔ.’ Nakoso ɛmɔandie me dwirɛ.”

Maenbulɛfoɛ 6:10 Iomraidhean Croise

2 Ahemvo 17:13

Né AWURADE nate ngɔmhyɛlɛfoɛ amukoraa ne ye mmenia bɔ bɛse ase amukoraa so wabɔ Yisrael ne Yuda kɔkɔ kyɛ, “Ɛmɔhwe ɛmɔ nwo béfi ɛmɔ bɔne nwo, ná ɛmɔli me mmeraa dwirɛ ne m’ahyɛdeɛ so, kyɛbɔ mmeraa bɔ nhyehyɛle mane ɛmɔ nana mɔ, bɔ nnate me somvoɛ ngɔmhyɛlɛfoɛ so mva mmrɛle ɛmɔ ne, ɔte ne ala.”

2 Ahemvo 17:33

Bɛsɔnene AWURADE de, nakoso bɛsole bɛ bɔbɔ bɛ mmosoen mɔ kyɛbɔ maen maen bɔ bɛfale bɛ befili nu bɛwale nemɔ, bɛyɔ ne ala.

2 Ahemvo 17:7

Ɛhe sili ofikyɛ né Yisraelfoɛ bayɔ bɔne batia AWURADE bɛ Nyameɛ bɔ ɔyele bɛ fili Misraim aseɛ so, ɔne Misraim hene Faro sa nu ne. Yisraelfoɛ sɔnene nyameɛ foforɛ mɔ,

Nehemia 9:29

Na ɛbɔle bɛ kɔkɔ bɔ ɔnate so bekosa bekooli wɔ mmeraa ne aso ɔ. Nakoso bɛyɛle anwomasoɛ, yeɛ banni wɔ mmeraa dwirɛ so, na mmom wɔ nhyehyɛleɛ bɔ sona di so a onya ngoa ne, bɛyɔle bɔne bebuli so. Bɛpemone b’awaen beguale wɔ so, bɛsoale bɛ kɔm so kyeinn, na bandie wɔ dwirɛ.

Ɛksadɔso 34:12

Aseɛ bɔ ɛ́kɔ so ne, nea yé ná ɛne so ama anyɛ apam, ná wanyɛ wɔ so ngaen.

Ɛksadɔso 34:14

Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Anyandera 5:13

Mandie m’akyerɛkyerɛfoɛ dwirɛ, yeɛ mamva me foɛtulɛfoɛ bɛ dwirɛ manyɛ huu.

Yeremia 10:2

Bɔ AWURADE kã hɔ ɛhe: “Nnɛma ɛmɔsuasua amaen maen mɔ bɛ yɔleɛ nemɔ, yeɛ nnɛmɔma ewienu nzɛngyerɛnneɛ ne yɛ ɛmɔ suro, ofikyɛ maen maen nemɔ yeɛ ɔyɛ bɛ suro ɔ.

Yeremia 17:23

Nakoso bandie, yeɛ banyɛ asoɛ bamma me; bɛsoale bɛ kɔme so, kyɛbɔ ɔkɔyɛ bɔ bengotie anaa bengole foɛtulɛ bɛngɔto nu ɔ.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 42:21

Na ɛnɛ kyẽa ye, mafa mato ɛmɔ nyunu, nakoso ɛmɔandie AWURADE ɛmɔ Nyameɛ noa dwirɛ, anaa bɔ ɔfa somane me kyɛ nga ngyire ɛmɔ ne anu biala.

Yeremia 43:4

Yiti Karea awa Yohanan, koɛhonɛfoɛ so safohene nemɔ amukoraa ne maen ne amukoraa bandie AWURADE noa dwirɛ, kyɛ bɛkɔtena Yuda aseɛ so ɔ.

Yeremia 43:7

na bɛ ne bɛ hɔle Misraim aseɛ so, ofikyɛ bandie AWURADE noa dwirɛ; na beedwuli Tapenese.

Yeremia 9:13

Na AWURADE nwa, “Ɔnate kyɛ bapo me mmeraa bɔ mahyehyɛ mama bɛ, bɔ bandie me dwirɛ, ná bannea so bammɔ bɛ bra,

Sefania 3:2

Wandie AWURADE dwirɛ ne, wandie foɛtulɛ, wamva ye wora wanwura AWURADE nu, wandwe wambingye ye Nyameɛ.

Romanfoɛ 10:16

Nakoso nna bɛ mukoraa yeɛ bayɛ sotie bama nzɛmba ne ɔ. Ofikyɛ Yesaya kã kyɛ, “Awurade, nwa yeɛ wale yɛ noa dwirɛ ne wali ɔ?”

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

Maenbulɛfoɛ 2:2

Ɛmɔ koso, nnɛma ɛmɔ ne aseɛ he aso ama bɛyɛ apam. Ɛ́mɔdwiri b’afɔleɛ bokyea nemɔ begua.’ Nakoso ɛmɔanni m’ahyɛdeɛ so. Ɛmɔanwu bɔ ɛmɔayɔ ɔ!

Maenbulɛfoɛ 6:9

Nnele ɛmɔ mvili Misraimfoɛ sa nu, ɔne bɛ bɔ né bɛhyɛ ɛmɔ so amukoraa bɛ sa nu. Afei mvoane bɛ mvili ɛmɔ nyunu na mvale b’aseɛ mmane ɛmɔ.