Maenbulɛfoɛ 5:9 - AHYERƐLƐ KRONGRON

⁹ M’ahone la Yisrael safohene mɔ anwo, bɔ betuli bɛ nwo besiele berɛ ne. Ɛ́mɔye AWURADE ayɛ.

Maenbulɛfoɛ 5:9 Iomraidhean Croise

1 Aberɛso Dwirɛ 29:9

Na maen ne nye gyele, ofikyɛ sɔ mmenia nemɔ bɛyele bɛ kunu sefaa bɛbɔle afɔleɛ. Bɛyɛle b’adwene ko bɛyele bɛ kunu bɛbɔle afɔleɛ bɛmane AWURADE. Na Nana Dawide koso nye gyele paa.

2 Aberɛso Dwirɛ 17:16

Bɔ ɔtoa berɛ ɔ ole Sikri awa Amasia bɔ ɔfale ye nwo bɔle afɔleɛ mane AWURADE adwuma ne. Koɛhonɛfoɛ ahoneserɛfoɛ apee ɛyaa nyɔ yeɛ bewura ye bo ɔ.

2 Aberɛso Dwirɛ 31:8

Mmerɛ bɔ Hesekia ne mbanyi nemɔ bɛwale benwuni nningyein kure kure nemɔ nen, bɛyele AWURADE ayɛ, na beyirale ye maen Yisrael.

Nehemia 11:2

Na maen ne yirale bɛ bɔ bɛ bɔbɔ deinn bɛyele bɛ kunu kyɛ bɛkɔɔtena Yerusalem ne.

Edwein 103:2

Ao me kra, ye AWURADE ayɛ, na nnɛma wɔ wora fi ye nningyein paa nemɔ anu biala.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 8:17

Nna yɛ nikyeesrɛlɛ ne ngome yeɛ wasɔ nu ɔ, na mmom ɔnate ye mmɔdenbɔlɛ ti ɔfa ye bɔbɔ ye pɛ ɔ́ba ɛmɔ berɛ.

2 Korintofoɛ 9:5

Yiti madwene ye nwo kyɛ, ohia kyɛ mesrɛ aliɛmaa hemɔ maa bedi yɛ nyunu moa bɛbapasa ɛmɔ nwo, na bɛboaboa akyɛdeɛ bɔ ɛmɔahyɛ ye nwo bɔ ne noa; amaa wanyɛ kyɛ nhyɛsoɛ akyɛdeɛ, na mmom wafi ɛmɔ ahone nu.

Maenbulɛfoɛ 5:2

“Sɛ Yisrael nu koɛhonɛfoɛ di ye nyunu a, sɛ mmenia ne tu bɛ nwo sie berɛ a, ɛ́mɔye AWURADE ayɛ!