Maenbulɛfoɛ 5:23 - AHYERƐLƐ KRONGRON

²³ AWURADE abɔfo nwa: Ɛ́mɔnoma Merose, ɛ́mɔnoma nu ama paa, ofikyɛ bamma ammoka AWURADE, bamma ammoka AWURADE maa wango wandia anwoserɛfoɛ nemɔ.

Maenbulɛfoɛ 5:23 Iomraidhean Croise

Nehemia 3:5

Tekoafoɛ nemɔ, bɛtoale so bɛyɔle nekaa bɔ wasɛkye ne bie yé, nakoso bɛ mmenia titire nemɔ de, adwuma bɔ bɛ mene nemɔ hyirele bɛ ne, bamva bɛ sa banzɔ nu bie.

Edwein 94:16

Nwa yeɛ okodwɔso kotia bɔnefoɛ kɔma me ɔ? Nwa yeɛ okodwɔso kogyina kotia amumuyɛɛfoɛ kɔma me ɔ?

Yeremia 48:10

Ebiala bɔ ɔnde ye nye nyɔ AWURADE adwuma ne, ɛnomalɛ bra ye so, na ebiala bɔ ɔtwe ye ngrandɛ sa, bɔ ɔmva nga mogya ngua ne, ɛnomalɛ bra ye so.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

1 Korintofoɛ 3:9

Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Maenbulɛfoɛ 13:3

AWURADE abɔfo yele ye nwo ali hyirele braa ne, ná osele braa ne kyɛ, “Ɔwɔ nu kyɛ ɛte mmotaen bɔ ɛwwole baa le ɔ, nakoso ɛkɔnwonzɛ kɔwo baa bienzua.

Maenbulɛfoɛ 2:1

Afei AWURADE abɔfo fili Gilgal hɔle Bokim oosele Yisraelfoɛ kyɛ, “Me yeɛ nyele ɛmɔ mvili Misraim, ná mvale ɛmɔ mmale aseɛ bɔ mva nhyɛle ɛmɔ nana mɔ bɔ ne aso ɔ. Ngane kyɛ, ‘Mengobu apam bɔ me ne ɛmɔ yayɛ ne aso le.

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

Maenbulɛfoɛ 21:8

Na bebisale kyɛ, “Yisrael mmusua kure ne, aso nu bie wamma AWURADE nyunu wɔ Misepa anaa?” Benwuni kyɛ ebiala wamvi Yabese Gileade wamma dwaabɔlɛ ne bie wɔ asikyeleɛ ne anu.

Maenbulɛfoɛ 4:6

Debora somane maa bɛɛfrɛle Abinoam awa bienzua Barake befili Kedese bɔ ɔwɔ Nafetali ne bɛbrɛle ye. Na osele ye kyɛ, “AWURADE Yisrael Nyameɛ ahyɛdeɛ bɔ ɔfa ma wɔ ɛhe: ‘Yeye koɛhonɛfoɛ apee buru fi Nafetali ne Sebulɔn mmusua kure nu, ná di bɛ nyunu fa bɛ kɔ Tabɔ bokaa ne aso.

Maenbulɛfoɛ 5:13

Afei atitire bɔ baha ne bedwɔsole betiale anwoserɛfoɛ. AWURADE mmenia dwɔsole betiale anwoserɛfoɛ bɛmane ye.

Maenbulɛfoɛ 6:11

AWURADE abɔfo hɔle ɔɔtenane Abieseniɛ Yoase eluii ne abo wɔ Ofra. Sɔ mmerɛ ne, né Yoase awa Gideon ɔboro atokoɔ wɔ kumaa bɔ betwi nzaa nu ɔ nu, ofikyɛ né ɔfa fea Midianfoɛ.

Maenbulɛfoɛ 8:5

Yiti Gideon srɛle Sukotefoɛ kyɛ, “Ɛ́mɔma me mmenia bɔ beli me si ye aleɛ kãa. Ɛhɔen apɛ bɛ, na mefoa Midian ahemvo Seba ne Samuna mekɔkye bɛ.”

Maenbulɛfoɛ 8:6

Nakoso Sukote mbanyi buale kyɛ, “Aso wɔ sa anya aha Seba ne Samuna, bɔ yɛma wɔ lɔen ne aleɛ ɔ?”

Maenbulɛfoɛ 8:8

Gideon fili berɛ ne, ɔhɔle Penuel, na ɔɔsrɛle bɛ sɔ ala. Na Penuelfoɛ buale ye kyɛbɔ Sukotefoɛ buale ye ne ala.

1 Samuel 17:47

Na mmenia bɔ bayia wa ye amukoraa konwu ye kyɛ, AWURADE mva ngrandɛ ne pealɛɛ yeɛ ode ye mmenia ɔ; ofikyɛ AWURADE yeɛ koɛ ne te ye koɛ ɔ, na ɔkɔfa ɛmɔ kowura yɛ sa.”

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”

1 Samuel 25:28

Mesrɛ wɔ ala, fa w’afaneɛ mvomsoɛ kyɛ ye. AWURADE kɔma me mene ne ye boso ama bekoli hene afebɔɔ amba, ofikyɛ AWURADE koɛ yeɛ me mene ɔko ɔ. Na edwirɛ tɛɛ biala ngɔto wɔ wɔ mmerɛ biala bɔ ɛte ase ɔ.

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’