Maenbulɛfoɛ 5:22 - AHYERƐLƐ KRONGRON

²² Mbɔngɔ gya mbaboa bobɔle ase, ofikyɛ behuruhuruli fɛen fɛen betuli amirika.

Maenbulɛfoɛ 5:22 Iomraidhean Croise

YOB NWOMAA NE 39:19

“Aso wɔ yeɛ ɛma pɔngɔ anwoserɛ ɔ? Wɔ yeɛ ɛma ye kɔme nya anwoserɛ ɔ?

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 33:17

Sɛ ɛfa wɔ nye to pɔngɔ so wɔ koɛ nu a, ɔte mbaen; ye anwoserɛ kandinga ne ngɔhora ngɔpepɛ ngole wɔ.

Yesaya 5:28

b’agyaen mɔ yɛ nna, basinasina b’agyaen ne amukoraati, bɛ mbɔngɔ nemɔ gya boen te kyɛ twerɛboɛ, na bɛ teaseɛnam nemɔ betu amirika kyɛ mvrama bɔ ɔpɛ ye nwo ɔ.

Yeremia 47:3

Ye mbɔngɔ anwoserɛfoɛ nemɔ, bɛ gya bɔ bɛfa bɛpempem berɛ kum kum kum kum ne, yeɛ ye teaseɛnam mɔ bɔ bɛkɔ hwii ne, ɔne bɛ gya bɔ ɔyɛ kunguronn kunguronn ne, ɔngɔma seɛ mɔ bɛngɔpɛne bɛ nye bɛngɔnea bɛ mma mɔ. B’abasa nu ayɛ hodwoo,

Yeremia 47:4

ɔnate kyẽa bɔ ɔbaahũhũ Filistifoɛ amukoraa ne ati, ɔne kyɛ ɔbaanua bokafoɛ biala bɔ waha wɔ Tiro ne Sidon ɔ, bɛ bo. Ofikyɛ AWURADE kohũhũ Filistifoɛ bɔ bɛ ole Kafito supɔ ngaa nemɔ ne.

Yeremia 8:16

“Bɛte bɛ mbɔngɔ nemɔ nwomeɛlelɛ ne befi Dan; bɛ mbɔngɔ nyii nemɔ, bɛ suɛ ne, ye dede ne ma aseɛ ne amukoraa woso. Ofikyɛ bɛ́ba bɛbasɛkye aseɛ ne, ɔne so nningyein amukoraa, bɛbaabɔ kuro ne, ná bekũkũ nu ama.

Hesekiel 27:14

Bete Togamafoɛ fale mbɔngɔ, pɔngɔhanɛfoɛ ne afunum mɔ yeɛ bɛsesane wɔ dwaa nningyein ɔ.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.