Maenbulɛfoɛ 5:21 - AHYERƐLƐ KRONGRON

²¹ Kison asue piane bɛ hɔle, Kison asue bɔ ɔse worɔworɔ ne. Me kra, tu agyirɛ anwoserɛ nu kɔ wɔ nyunu!

Maenbulɛfoɛ 5:21 Iomraidhean Croise

Gyenesise 49:18

Ao AWURADE, wɔ ngoalelɛ yeɛ menea ye ate ɔ.

1 Ahemvo 18:40

Elia sele bɛ kyɛ, “Ɛ́mɔhye Baal ahɔmeɛ nemɔ. Nnɛmɔma bɛ nu ko po nwati.” Yeɛ bɛhyele bɛ, na Elia fale bɛ wale Kison bɔnza ne anwo oohuhuni bɛ wɔ berɛ.

Edwein 44:5

Wɔ tumi yeɛ yɛfa yɛdi yɛ pɔfoɛ mɔ so ngonim ɔ, na wɔ dumaa nu yeɛ yɛtiatia bɛ bɔ bedwɔso betia yɛ ɔ so ɔ.

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Yesaya 25:10

AWURADE tumi asaa ne kɔtena bokaa he aso, nakoso Moabo de, okotiatia ye so kɔbɛtɛ ye, kyɛbɔ betiatia ewura so wɔ fofoɛ so ɔ.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Maenbulɛfoɛ 4:13

Sisera boaboale ye buralɛ teaseɛnam ɛyaa ngona ne amukoraa, ɔne ye koɛhonɛfoɛ amukoraa bɔ bɛboka ye so ne noa, fi Harosete Hagoyim maa oodwuli Kison bɔnza ne anu.

Maenbulɛfoɛ 4:7

Na ngɔtwetwe Yabin ye safohene Sisera maa ɔne ye teaseɛnam mɔ ne ye koɛhonɛfoɛ mɔ bekooyia wɔ wɔ Kison bɔnza ne anu; afei ngɔfa ye ngowura wɔ sa.’ ”