Maenbulɛfoɛ 5:18 - AHYERƐLƐ KRONGRON

¹⁸ Sebulɔnfoɛ fale bɛ ngoa tole serewa; sɔ ala yeɛ Nafetali koso yɔle ɔ, wɔ aseɛ pralaa mmokaa ne aso.

Maenbulɛfoɛ 5:18 Iomraidhean Croise

Gyenesise 35:23

Lea mma mmienzua mɔ ɛhe: Ruben (Yakob bamuɛbaa), Simeon, Lewi, Yuda, Yisaka ne Sebulɔn.

Gyenesise 35:25

Bilha bɔ ɔte Rahɛl afaneɛ ne, ye mma mmienzua mɔ ɛhe: Dan ne Nafetali.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Edwein 68:27

Benyamin bɔ yeɛ ɔte abusua kure kaaba paa ne, ye yeɛ oli bɛ nyunu ɔ; Yuda mbanyi baboa bɛ noa, Sebulɔn mbanyi, Nafetali mbanyi.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Maenbulɛfoɛ 4:10

Barake boaboale Sebulɔn ne Nafetali mmusua kure noa wɔ Kedese. Olili koɛhonɛfoɛ apee buru nyunu ɔne bɛ hɔle, na Debora ne ye bɛhɔle.

Maenbulɛfoɛ 4:14

Yeɛ Debora sele Barake kyɛ, “Dwɔso ɛne ye bɛɛho! Ofikyɛ ɛnɛ kyẽa ye yeɛ AWURADE afa Sisera wawura wɔ sa ɔ! Amba AWURADE li wɔ nyunu.” Yiti Barake torole Tabɔ bokaa ne, na né koɛhonɛfoɛ apee buru ne beli ye si.

Maenbulɛfoɛ 4:6

Debora somane maa bɛɛfrɛle Abinoam awa bienzua Barake befili Kedese bɔ ɔwɔ Nafetali ne bɛbrɛle ye. Na osele ye kyɛ, “AWURADE Yisrael Nyameɛ ahyɛdeɛ bɔ ɔfa ma wɔ ɛhe: ‘Yeye koɛhonɛfoɛ apee buru fi Nafetali ne Sebulɔn mmusua kure nu, ná di bɛ nyunu fa bɛ kɔ Tabɔ bokaa ne aso.

Maenbulɛfoɛ 6:35

Gideon tuli ɛbɔfoɛ maa bɛhɔle Manase aseɛ so amukoraa, na bɛbɔle bɛ amaneɛ maa bɛ koso beelili ye si. Osa tuli ɛbɔfoɛ maa bɛhɔle Asɛ, Sebulɔn ne Nafetali aseɛ so, na bɛ koso bɛɛbokale ye so.