Maenbulɛfoɛ 5:11 - AHYERƐLƐ KRONGRON

¹¹ Edwein bɔ edweintolɛfoɛ bɛto wɔ asaleɛ berɛ ne, berɛ yeɛ bɛto AWURADE ayɛyelɛ dwein ɔ, bɛto ayɛyelɛ dwein wɔ Yisrael. Yeɛ AWURADE mmenia torotorole hɔle pambim nemɔ anwo.

Maenbulɛfoɛ 5:11 Iomraidhean Croise

Gyenesise 24:11

Na ɔmane afupɔngɔ nemɔ kotokotole kuro ne tiwaa wɔ abura bie anwo. Né ɔte nɔsoa, mmerɛ bɔ mmrasua kɔsa nzue ɔ.

Gyenesise 29:2

Na ɔtole ye nye ne, onwuni abura bie wɔ eburo berɛ, na edwirɛ nwanwa ne mmoaen kure nza lela ye nwo ɔ, ofikyɛ sɔ abura ne anu yeɛ né bɛsa nzue bɛma ngaka nemɔ ɔ. Né nyɔboɛ bɔ ɔkata abura ne aso ne te piri.

Gyenesise 29:3

Yiti sɛ mmoaen ne amukoraa bɛ noa baboa berɛ a, mmoaenneafoɛ nemɔ muni nyɔboɛ ne befi abura ne anoa koraka né bama ngaka nemɔ nzue maa bano. Na sɛ beyie a, né basa bamunu nyɔboɛ ne bakata abura ne noa.

YOB NWOMAA NE 29:7

Mmerɛ bɔ né ɔyɛ a mekɔ kuro berɛ pambim ne anu, bɔ né ɔyɛ a metena mbanyi bia so wɔ nekaa bɔ bɛbɔ dwaa ne,

Edwein 145:7

Wɔ paayɛlɛ piri nwo ngayeɛ ne, bɛkɔbɔ ye nwo dawure, na bɛkɔto wɔ tenenee nwo dwein.

Edwein 71:15

Wɔ tenenee nnwumaa ne wɔ ngoalelɛ nnwumaa ne, meka bɛ a, ɔbo me ndeaseɛ so de, nakoso ngɔfa me noa ngɔbɔ bɛ nwo dawure mmerɛ biala.

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 28:6

Ɔkɔyɛ ndɛenbualɛ pɛpɛɛpɛ sunzum wɔ sona bɔ obua ndɛen ɔ nu, yeɛ ɔkɔyɛ anwoserɛ kɔma bɛ bɔ bɛfoa koɛhonɛfoɛ mɔ befi kuro pambim nu maa besa bɛkɔ ɔ.

Yeremia 7:2

“Gyina AWURADE awuro anoa piri ne anu berɛ, ná bɔ sɔ dwirɛ he dawure wɔ berɛ kyɛ: Yudafoɛ amukoraa bɔ ɛmɔwura sɔ anoa mbiri hemɔ anu bɛkɔsɔne AWURADE ɔ, ɛ́mɔtie AWURADE dwirɛ.

Awuye 5:4

Nzue bɔ yɛno ɔ, sana yɛtua ye kerɛ, na yɛ nwuaka koso, bɛtɔne ye bɛma yɛ.

Awuye 5:9

Yɛfa yɛ ngoa yɛto serewa koraka né yanya aleɛ yali, ɔnate ɛserɛ so ngrandɛ ne ati.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Deuteronomi 22:24

odi kyɛ ɛmɔfa bɛ munyɔ bɛba kuro berɛ pambim ne anu, ná ɛmɔboro bɛ nyɔboɛ beku bɛ. Ɛ́mɔhu braa ne, ofikyɛ né ɔwɔ kuro nu, nakoso wandeatea nu wamvrɛ mmenia; ɛ́mɔhu biaa ne koso, ofikyɛ wafa obiɛngo aye. Yiti ɔsɛ kyɛ etu bɔne ne bo fi wɔ nu.

Deuteronomi 33:21

Ɔneaneane nu yele aseɛ paa fale, ofikyɛ né berɛ te safohene kyɛfa; na maen mbanyi nemɔ bɔle dwaa nen, ɔyɔle AWURADE apɛdeɛ bɔ ɔtengyɛ ɔ, na olili ahyɛdeɛ bɔ ɔfa mane Yisrael ne aso.”

Maenbulɛfoɛ 11:40

afoɛ biala, Yisrael mmrasua betu ɛlɛnna besie berɛ bekosu Gileadeniɛ Yɛfeta ɔwa brasua ne.

Maenbulɛfoɛ 5:8

Beelili nyameɛ foforɛ mɔ si, maa ɔnate so koɛ ɔɔtoale bɛ wɔ kuro berɛ pambim nu. Aso benwuni akokyɛm ne pealɛɛ wɔ Yisrael koɛhonɛfoɛ apee aburanna nemɔ nwo?

1 Samuel 12:7

Yiti ɛmɔɔgyina wa, maa mmɔ ɛmɔ kwaadu wɔ AWURADE nyunu, wɔ paayɛlɛ mukoraa bɔ AWURADE ayɔ ama ɛmɔ ɔne ɛmɔ nana mɔ ne anwo.