Maenbulɛfoɛ 4:9 - AHYERƐLƐ KRONGRON

⁹ Yeɛ Debora buale kyɛ, “Amba me ne wɔ kɔhɔ; nakoso atee bɔ ɛkɔ ye, ye nwo animnyam ngɔyɛ wɔ deɛ, ofikyɛ AWURADE kɔfa Sisera kowura brasua bie sa.” Na Debora dwɔsole ɔne Barake bɛhɔle Kedese.

Maenbulɛfoɛ 4:9 Iomraidhean Croise

2 Aberɛso Dwirɛ 26:18

Bɛhã besili Nana Yusia nyunu kyɛ, “Nana, nna wɔ yeɛ odi kyɛ ɛyera ɛyɛɛ ma AWURADE ɔ, na mmom Aarɔn boso ama asɔfo nemɔ bɔ bɛ yeɛ batu bɛ basie berɛ kyɛ bɛbɔ afɔleɛ ne, bɛ yeɛ odi kyɛ bɛyɔ sɔ ɔ. Fi nekaa krongron berɛ fite, ofikyɛ ayɔ bɔne, na ɛhe ngɔma engonya animnyam wɔ AWURADE Nyameɛ nyunu.”

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 4:8

Na Barake sele Debora kyɛ, “Sɛ ɛne me kɔhɔ de a, ye de ngɔhɔ; nakoso sɛ ɛne me ngɔhɔ de a, ye de mengɔhɔ.”

Maenbulɛfoɛ 9:53

Nakoso braa bie yakyili nyɔkoa nu maa ɔɔbɔle Abimɛlɛke ti anu, na ɔpakyele ye ti kwangoa.

Maenbulɛfoɛ 9:54

Berɛ ne ala, Abimɛlɛke frɛle aberandeɛ bɔ otira ye akodeɛ ne sele ye kyɛ, “Twe wɔ ngrandɛ ná ku me, amaa mmenia banga bamva me nwo kyɛ, ‘Brasua yeɛ ohuni ye ɔ.’ ” Yiti aberandeɛ ne hwene ye ngrandɛ fa wɔle ye maa owuli.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.