Maenbulɛfoɛ 4:6 - AHYERƐLƐ KRONGRON

⁶ Debora somane maa bɛɛfrɛle Abinoam awa bienzua Barake befili Kedese bɔ ɔwɔ Nafetali ne bɛbrɛle ye. Na osele ye kyɛ, “AWURADE Yisrael Nyameɛ ahyɛdeɛ bɔ ɔfa ma wɔ ɛhe: ‘Yeye koɛhonɛfoɛ apee buru fi Nafetali ne Sebulɔn mmusua kure nu, ná di bɛ nyunu fa bɛ kɔ Tabɔ bokaa ne aso.

Maenbulɛfoɛ 4:6 Iomraidhean Croise

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 89:12

Wɔ yeɛ ɛbɔle sorɔ ne ngwaen ɔ, Tabɔ ne Hɛmɔn bele anigye bɛye wɔ dumaa ayɛ.

Edwein 89:13

Ele tumi asaa; wɔ sa ne, anwoserɛ wɔ nu, apagya wɔ sa famaa ne aso.

Yeremia 46:18

“Ɛhene bɔ ye dumaa ole Asafo AWURADE ne, ɔnwa: Kyɛ nde ase ye, amba, kyɛ Tabɔ ɔte wɔ mmokaa mɔ nu, ɔne kyɛ Kamɛl ɔla mboanoa ne, sɔ ala yeɛ ɔkɔwa ɔ.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Asomafoɛ 13:47

Ɔnate kyɛ ahyɛdeɛ bɔ Awurade afa ama yɛ hɔ ɛhe: ‘Mafa wɔ mayɛ kanea mama Amaenmaensofoɛ, amaa afa ngoalelɛ ahɔ aseɛ so nekaa biala.’ ”

Hebrifoɛ 11:32

Na nzikyɛ bieku koraa yeɛ nga ɔ? Ɔnate kyɛ sɛ mekã mmenia te kyɛ Gideon, Barake, Samson, Yɛfeta, Dawide, Samuel ne ngɔmhyɛlɛfoɛ nemɔ nwo dwirɛ a, ahaa mmerɛ kotia me.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 19:22

Ɛwɛen ne fa Tabɔ bokaa ne, Sahasuma, Bete Semese, na ye noa kɔpem asue Yɔɔdan: bɛte nguro buru ne nzia ne bɛ namue mɔ.

Yosua 19:32

Serewagualɛ bɔ ɔtɔ so nzia ne yele Nafetali. Nafetali abusua kure ne, kyɛbɔ nu mmusua mmusua ne te ne.

Yosua 19:35

Nguro mɔ bɔ bato bɛ nwo fasue ne ɛhe: Sidim, Sɛre, Hamate, Rakate, Kinerete,

Yosua 19:37

Kedese, Yedrei, Ɛn Hasɔ,

Yosua 21:32

Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Nafetali abusua kure nu bɛmane bɛ: Kedese bɔ ɔte mmenia bɔ bali awue nwo adwaabɔlɛ kuro bɔ ɔwɔ Galilea, Hamote Dɔɔ, yeɛ Katan. Bɛte nguro nza.

Maenbulɛfoɛ 4:10

Barake boaboale Sebulɔn ne Nafetali mmusua kure noa wɔ Kedese. Olili koɛhonɛfoɛ apee buru nyunu ɔne bɛ hɔle, na Debora ne ye bɛhɔle.

Maenbulɛfoɛ 5:1

Sɔ kyẽa ne, Debora ne Abinoam awa Barake bɛtole edwein kyɛ,

Maenbulɛfoɛ 6:35

Gideon tuli ɛbɔfoɛ maa bɛhɔle Manase aseɛ so amukoraa, na bɛbɔle bɛ amaneɛ maa bɛ koso beelili ye si. Osa tuli ɛbɔfoɛ maa bɛhɔle Asɛ, Sebulɔn ne Nafetali aseɛ so, na bɛ koso bɛɛbokale ye so.

Maenbulɛfoɛ 8:18

Yeɛ obisale Seba ne Samuna kyɛ, “Mmienzua bɔ ɛmɔhuhuni bɛ wɔ Tabɔ ne, bɛ sue te sɛɛ?” Bebuale kyɛ, “Bɛ nu biala te kyɛ wɔ ala; besoma mmenia bɔ bɛ se te ɛhene ɔ.”

1 Samuel 10:3

Efi berɛ toa so kɔ wɔ nyunu, ná ekodwu Tabɔ eluii ne anwo a, ekoyia mmienzua nza wɔ berɛ bɔ bɛkwaasɔne Nyameɛ wɔ Betel ɔ. Ko tira mbɔngye mmaa nza, ko tira paanoo mumua nza, yeɛ ko wora otira bobe nzaa ngomvo ko.

1 Samuel 12:11

Na AWURADE somane Yerubaal, Bedan, Yɛfeta ne Samuel; na ɛmɔ pɔfoɛ mɔ bɔ bapɛ ɛmɔ nwo bayia ne, ɔpepɛ lele ɛmɔ fili bɛ sa nu maa ɛmɔtenane asomdwee nu.