Maenbulɛfoɛ 4:3 - AHYERƐLƐ KRONGRON

³ Na Yisraelfoɛ sũ frɛle AWURADE kyɛ ɔɔpepɛ le bɛ. Ofikyɛ né Sisera le buralɛ teaseɛnam ɛyaa ngona, yeɛ afei né wahyɛ Yisraelfoɛ so yeayea afoɛ aburanyɔ.

Maenbulɛfoɛ 4:3 Iomraidhean Croise

Edwein 106:42

Bɛ pɔfoɛ mɔ hyɛle bɛ so, na belili bɛ so tumi maa bewurale bɛ bo.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 78:34

Ohuhuni bɛ ne, bɛpenane ye si atee; bɛsakyerale b’adwene bɛpenane Nyameɛ si atee yé paa.

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Deuteronomi 28:29

Ekofuafua eyia ketee kyɛbɔ anyesiniwaaniɛ fuafua kɔngɔen ɔ, nakoso engonwu atee. Bekoli wɔ aminɛ, ná bafe wɔ nningyein bafa daa, nakoso ebiala ngoole wɔ.

Deuteronomi 28:33

W’aseɛ so aleɛ, yeɛ wɔ sa noa adwuma so mvasoɛ ne, maen bɔ ɛnze ye ne, nu ama yeɛ bekoli ɔ. Bekoli wɔ aminɛ, ná basisi wɔ daa;

Yosua 17:16

Na Yosef abusua kure ne buale kyɛ, “Mmokaa aseɛ ne te kãa ma yɛ. Afei koso, Kanaanfoɛ amukoraa bɔ bɛwɔ aseɛ frɛtɛɛ ne aso ne, bele buralɛ teaseɛnam mɔ: bɛwɔ Bete Sean ne ye namue mɔ nu, ɔne Yesreel bɔnza ne anu.”

Maenbulɛfoɛ 1:19

Né AWURADE gyi Yuda si, na Yuda ho fale bokaa aseɛ ne. Nakoso wangora wandu aseɛ frɛtɛɛ ne aso ama wamvi berɛ, ofikyɛ né bele buralɛ teaseɛnam mɔ.

Maenbulɛfoɛ 10:10

Yiti Yisraelfoɛ sũ frɛle AWURADE kyɛ, “Yayɔ bɔne yatia wɔ, ofikyɛ wɔ bɔ ɛte yɛ Nyameɛ ne, yayakyi wɔ si lilɛ yaaso Baal mɔ.”

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

Maenbulɛfoɛ 3:15

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Ehude bɔ ɔse ole Benyaminniɛ Gera ne. Ehude te bɛen.

Maenbulɛfoɛ 3:9

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Otiniɛl bɔ ɔse ole Kalebo aliɛma bienzua kãa Kenase ne.

Maenbulɛfoɛ 4:13

Sisera boaboale ye buralɛ teaseɛnam ɛyaa ngona ne amukoraa, ɔne ye koɛhonɛfoɛ amukoraa bɔ bɛboka ye so ne noa, fi Harosete Hagoyim maa oodwuli Kison bɔnza ne anu.

Maenbulɛfoɛ 4:4

Sɔ mmerɛ ne, ngɔmhyɛlɛniɛ brasua Debora bɔ ohu ole Lapidote ne, ye yeɛ né ɔla Yisrael noa ɔ.

Maenbulɛfoɛ 5:8

Beelili nyameɛ foforɛ mɔ si, maa ɔnate so koɛ ɔɔtoale bɛ wɔ kuro berɛ pambim nu. Aso benwuni akokyɛm ne pealɛɛ wɔ Yisrael koɛhonɛfoɛ apee aburanna nemɔ nwo?

Maenbulɛfoɛ 6:6

Ɔnate Midianfoɛ ti ɛhɔen huni Yisraelfoɛ paa. Na Yisraelfoɛ sũ frɛle AWURADE kyɛ ɔɔpepɛ ole bɛ.

1 Samuel 7:8

Na Yisraelfoɛ sele Samuel kyɛ, “Esuɛ bɔ esu frɛ AWURADE yɛ Nyameɛ ma yɛ ne, nnɛyakyi; na srɛ kyɛ ole yɛ fi Filistifoɛ sa nu.”