Maenbulɛfoɛ 4:21 - AHYERƐLƐ KRONGRON

²¹ Nakoso Heberi aye Yaele fale ɛtena sua pɛmbɛen ɔne bɔsobaka otirale. Ɔyɛle nwaa hɔle Sisera nwo berɛ, na ɔbɔle pɛmbɛen ne aso wurale ye so taa nu maa pɛmbɛen ne oowurale ase. Né Sisera afɛ paa, yiti né walafe hatee, na ɔfale nu wuli.

Maenbulɛfoɛ 4:21 Iomraidhean Croise

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

1 Korintofoɛ 1:19

Ofikyɛ bahyerɛ kyɛ, “Ngɔsɛkye nworɛfoɛ nworɛ ne, na mama nimdeɛfoɛ ndeaseɛ ayɛ mbaen.”

1 Korintofoɛ 1:27

Nakoso Nyameɛ fale bɔ ewiase bu ye kyɛ ɔte ngwaseasɛm ne kyɛ ɔfa gua ewiase nworɛfoɛ nyunu ase; na ɔfale bɔ ewiase bu ye kyɛ ɔyɛ mmerɛ ne, kyɛ ɔfa gua anwoserɛfoɛ nyunu ase,

Maenbulɛfoɛ 15:15

Samson nwuni afunum awogyee monɛ bie. Ɔkoto fale, na ɔfa huni mmienzua apee ko.

Maenbulɛfoɛ 3:21

Yeɛ Ehude fale ye sa bɛen yele sɛpɔ ne fili ye sɔ famaa ne anwo, na ɔfa wɔle Eglon kunu.

Maenbulɛfoɛ 3:31

Ehude ewue asi ne, Anate awa Samega dwɔsole, ná ɔfale pɔmaa bɔ bɛfa bɛka nandwie huni Filistifoɛ ɛyaa nzia. Ye koso ɔɔpepɛ lele Yisrael.

Maenbulɛfoɛ 4:20

Sisera sele ye kyɛ, “Ɛtena sua ne, gyina ye anoa nu berɛ. Na sɛ ebie ba bisa wɔ kyɛ, ‘Aso ebie awa wa’ a, bua ye kyɛ, ‘Daabi.’ ”

Maenbulɛfoɛ 4:22

Na Barake gu so ɔpena Sisera ne, Yaele fitele ooyiale ye sele ye kyɛ, “Bra maa ngyire wɔ biaa bɔ ɛpena ye ne.” Yiti Barake wurale Yaele ɛtena sua ne anu, na onwuni kyɛ Sisera wawu la berɛ, bɔ ɛtena sua pɛmbɛen ne wura ye so taa nu ɔ.

Maenbulɛfoɛ 4:9

Yeɛ Debora buale kyɛ, “Amba me ne wɔ kɔhɔ; nakoso atee bɔ ɛkɔ ye, ye nwo animnyam ngɔyɛ wɔ deɛ, ofikyɛ AWURADE kɔfa Sisera kowura brasua bie sa.” Na Debora dwɔsole ɔne Barake bɛhɔle Kedese.

1 Samuel 17:43

Na Filistiniɛ ne sele Dawide kyɛ, “Mmokuroma yeɛ ɛfa ba me so ɔ, nde kyea hɔ ɔ?” Afei Filistiniɛ ne fale ye nyameɛ mɔ payele Dawide.