Maenbulɛfoɛ 4:16 - AHYERƐLƐ KRONGRON

¹⁶ Barake foane teaseɛnam nemɔ ne koɛhonɛfoɛ nemɔ alaa oodwuli Harosete Hagoyim. Sisera koɛhonɛfoɛ ne amukoraa bɛtotɔle ngrandɛ noa bɔ komapɛ po anga ɔ.

Maenbulɛfoɛ 4:16 Iomraidhean Croise

Edwein 104:35

Ma bɔnefoɛ bewuwu befi aseɛ so, nnɛma amumuyɛɛfoɛ bɛtena ngoa nu ko. Ao me kra, ye AWURADE ayɛ. Kamvo AWURADE!

Edwein 83:10

Bɛ yeɛ ehuhuni bɛ wɔ Ɛn Dɔɔ mane bɛ fuin porɔle wɔ aseɛ so ne.

Edwein 83:9

Bɔ ɛfa yɛle Midian, Sisera ne Yabin wɔ asue Kison nwo ne, fa sɔ alaa yɛ bɛ.

Ɛksadɔso 14:28

Nzue ne ha tuale, na ɔfale teaseɛnam nemɔ, pɔngɔhanɛfoɛ nemɔ, ɔne Faro ɛlɔen amukoraa bɔ bɛpole Yisraelfoɛ so wɔ ɛpo ne anu ne. Bɛ nu ko po anga.

Yesaya 43:17

bɔ ɔmane teaseɛnam mɔ ne mbɔngɔ, ɛlɔen ne koɛhonɛfoɛ fite wale ne, ye noa dwirɛ ɛne. Bɛtete beguale, na bangora dwɔso ko, onuane bɛ boso, na bɛ boso minini kyɛ kanea nyamaa.

Romanfoɛ 2:12

Amaenmaensofoɛ bɔ bɛnze Mose mmeraa ne, sɛ bɛyɔ bɔne a, nna Mose mmeraa so yeɛ bekogyina bekobua bɛ ndɛen maa bekomini ɔ. Nakoso Yudafoɛ bɔ bɛ de bɛse Mose mmeraa nen, sɛ bɛyɔ bɔne a, Mose mmeraa ne aso yeɛ bekogyina bekobua bɛ ndɛen ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Yosua 10:10

Na AWURADE mane bɛ nye so tanene bɛ wɔ Yisraelfoɛ nyunu. Yisraelfoɛ huhuni bɛ paa wɔ Gibeon, na bɛfoane bɛ maa bɛɛfale Bete Horon pambaa atee ne aso, na behuhuni bɛ alaa beedwuli Aseka ne Makeda.

Yosua 11:8

AWURADE fale bɛ wurale Yisrael sa. Behuhuni bɛ, na bɛfoane bɛ toonn beedwuli Sidon Piri ne Misrefote Maim nwo, ɔne Misepe bɔnza nu wɔ eyia afiteleɛ. Behuhuni bɛ toonn bɔ bɛ nu ko po anga ɔ.

Maenbulɛfoɛ 4:17

Né Sisera anwati ye gya kunu, na ɔhɔle Keniniɛ Heberi ɔye Yaele ye ɛtena sua nu; ofikyɛ Hasɔ hene Yabin ɔne Keniniɛ Heberi abusuafoɛ, b’afia te wosee.

Maenbulɛfoɛ 4:2

Yiti AWURADE fale bɛ wurale Kanaan hene Yabin bɔ né odi hene wɔ Hasɔ ne sa. Ye safohene ole Sisera bɔ né ɔte Harosete Hagoyim ne.