Maenbulɛfoɛ 4:14 - AHYERƐLƐ KRONGRON

¹⁴ Yeɛ Debora sele Barake kyɛ, “Dwɔso ɛne ye bɛɛho! Ofikyɛ ɛnɛ kyẽa ye yeɛ AWURADE afa Sisera wawura wɔ sa ɔ! Amba AWURADE li wɔ nyunu.” Yiti Barake torole Tabɔ bokaa ne, na né koɛhonɛfoɛ apee buru ne beli ye si.

Maenbulɛfoɛ 4:14 Iomraidhean Croise

Gyenesise 19:14

Yiti Lɔto fitele oosele ye sia mmienzua bɔ bɛbaagyigya ye mma mmrasua nemɔ kyɛ, “Ɛ́mɔhã bɛ nwo befi wa, ofikyɛ AWURADE baasɛkye kuro ne.” Nakoso ye sia nemɔ dwenene kyɛ ɛhoaa bie yeɛ ɔ́to ɔ.

Gyenesise 44:4

Bɛtrale kuro ne bɛhɔle moa kãa nen, Yosef sele ye awuro neafoɛ ne kyɛ, “Ka wɔ nwo foa mmenia nemɔ, na sɛ ɛkɔto bɛ a, bisa bɛ kyɛ, ‘Nzu ati yeɛ ɛmɔafa tɛɛ batua paa so ɔ? Nzu ati yeɛ ɛmɔawua me mene ɛdwetɛ kulie ne ɔ?

2 Samuel 5:24

Sɛ ɛte mmenia gya boso nga wɔ basam mmakaa nemɔ aso a, ye de kɔ Filistifoɛ so. Na ɛhe kyire kyɛ AWURADE ali wɔ nyunu moa okũkũ Filisti koɛhonɛfoɛ nemɔ.”

Yesaya 52:12

Ɛmɔngofi berɛ bɛngɔhɔ ye ndɛndɛ so, yeɛ ɛmɔngɔnwati bɛngɔhɔ, ofikyɛ AWURADE koli ɛmɔ nyunu, yeɛ Yisrael Nyameɛ ne kogyina ɛmɔ si.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Deuteronomi 9:3

Yiti nwu ye ɛnɛ kyẽa ye kyɛ, AWURADE wɔ Nyameɛ yeɛ oli wɔ nyunu ɔkwaapɛ asue ɔ, na ɔte see bɔ ogye wuronyiwuronyi ɔ. Okoli bɛ so ngonim, ná wabrɛ bɛ ase wɔ wɔ nyunu; amaa ɔnate so afoa bɛ afi berɛ, ná ahũhũ bɛ ndɛndɛ so, kyɛbɔ AWURADE ahyɛ wɔ bɔ ne.

Yosua 10:8

Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’

Maenbulɛfoɛ 19:28

Osele ye kyɛ, “Dwɔso maa yɛhɔ.” Nakoso braa ne andwudwo. Yeɛ ɔfale braa ne tole afunum ne aso, na osili nu hɔle ye kuro.

Maenbulɛfoɛ 4:10

Barake boaboale Sebulɔn ne Nafetali mmusua kure noa wɔ Kedese. Olili koɛhonɛfoɛ apee buru nyunu ɔne bɛ hɔle, na Debora ne ye bɛhɔle.

Maenbulɛfoɛ 7:9

Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”

1 Samuel 9:26

Alebahyene ne, né Sɔɔlo wɔ nzamsoɛ ne aso. Na Samuel frɛle ye sele ye kyɛ, “Dwɔso ma nzoma wɔ ate ma ɛhɔ.” Sɔɔlo dwɔsole, na ɔne Samuel befitele dwaaso dɔ.