Maenbulɛfoɛ 3:5 - AHYERƐLƐ KRONGRON

⁵ Yiti Yisraelfoɛ bɛ ne Kanaanfoɛ, Hitifoɛ, Amorifoɛ, Perisifoɛ, Hiwifoɛ ɔne Yebusifoɛ bɛbɔle nu bɛtenane aseɛ ne aso.

Maenbulɛfoɛ 3:5 Iomraidhean Croise

Gyenesise 13:7

Na edwudwolɛ wale Abram ngaka neafoɛ nemɔ ne Lɔto ngaka neafoɛ nemɔ afia. Na sɔ mmerɛ ne, né Kanaanfoɛ ne Perisifoɛ wɔ sɔ aseɛ ne aso.

1 Ahemvo 9:20

Amorifoɛ, Hitifoɛ, Perisifoɛ, Hiwifoɛ ne Yebusifoɛ ngaa bɔ bɛhale ne, bɔ nna Yisraelfoɛ ahɔ ɔ ne,

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 34:16

Annea a, né agyigya bɛ mmrasua nemɔ bie ama wɔ mma mmienzua nemɔ. Na bɛ mma mmrasua nemɔ bɛbɔ adwaman bedi bɛ bosoen nemɔ asi a, bɛkɔma wɔ mma mmienzua nemɔ koso kɔbɔ adwaman koli bɛ bosoen nemɔ asi bie.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 11:3

Bɛɛbɔle ɛhemɔ koso amaneɛ: Kanaanfoɛ bɔ bɛwɔ eyia afiteleɛ ne atɔleɛ, Amorifoɛ, Hitifoɛ, Perisifoɛ ne Yebusifoɛ bɔ bɛwɔ mmokaa aseɛ ne aso ne, ɔne Hiwifoɛ bɔ bɛwɔ Hɛmɔn bokaa ne nye abo wɔ Misepa aseɛ so ne.

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Maenbulɛfoɛ 1:4

Yuda abusua kure sili nu, na AWURADE fale Kanaanfoɛ ne Perisifoɛ wurale bɛ sa. Belili bɛ nu apee buru so ngonim wɔ Beseke.

Maenbulɛfoɛ 1:5

Bɛɛtole Adoni Beseke wɔ Beseke. Bɛfale koɛ bɛtetale ye, na belili Kanaanfoɛ ne Perisifoɛ so ngonim.