Maenbulɛfoɛ 3:12 - AHYERƐLƐ KRONGRON

¹² Yisraelfoɛ sa yɔle bɔ ɔte bɔne wɔ AWURADE nyunu ɔ. Na AWURADE mane Moabo hene Eglon nyane anwoserɛ oolili Yisrael so ngonim, ofikyɛ Yisraelfoɛ yɔle bɔ ɔte bɔne wɔ AWURADE nyunu ɔ.

Maenbulɛfoɛ 3:12 Iomraidhean Croise

2 Ahemvo 5:1

Naaman te Siria hene ye koɛhonɛfoɛ so safohene. Né ɔte sona titire bɔ ye mene Siria hene kuro ye dwirɛ ɔ, ofikyɛ ɔnate ye so, AWURADE mane Siria lili ngonim wɔ koɛ nu. Ɔwɔ nu kyɛ né biaa ne te koɛhonɛniɛ titire paa de, nakoso né kwata anwonyerɛ ayɛ ye.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yesaya 10:15

Aso odi kyɛ akumaa ɔyɛ sona bɔ ɔfa ye bu bakaa ne so anwomasoɛ, anaakyɛ sralaa ɔmoma ye nwo so kyire sona bɔ ɔfa ye pakye mmakaa ɔ? Aso mbire kɔhora kɔhyɛ sona bɔ otira ye ne so, anaa pɔmaa kɔhora kɔpagya ye nwo kyɛ ye de nna bakaa ahɔ ɔ.

Yesaya 37:26

“ ‘Aso ande, kyɛ sɔ dwirɛ ne, ndwenene ye nwo ahyɛ ɔ? Ofi tetetete yeɛ nikyee bɔ meyɔ ye kekesaala ye ne nhyehyɛ ndole berɛ ɔ, kyɛ nguro bɔ bato bɛ nwo fasue nemɔ, odi kyɛ ɛsɛkye bɛ maa bɛkakyi kurofoen ɔ.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Daniel 4:22

Nana, wɔ ɛne. Wɔ yeɛ anyi ná anya anwoserɛ ne. W’anwoserɛ ne anyi, na watrɛ waadwu nyameɛso, na wɔ tumi ne waadwu aseɛ so nekaa biala.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Maenbulɛfoɛ 2:11

Yisraelfoɛ yɔle bɔ ɔte bɔne wɔ AWURADE nyunu ɔ, na bɛsole mmosoen Baal.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 2:19

Nakoso sɛ sɔ maenbulɛniɛ ne wu pɛ, né basa bɛ si baabɔ bra tɛɛ bɔ ɔtra bɛ nana mɔ deɛ ne ɔ. Bekodi nyameɛ foforɛ mɔ si, bɛso bɛ ná bɛkoto bɛ. Bɛnyakyi bɛ yɔleɛ tɛɛ anaa b’asoserɛ ne anu biala.

Maenbulɛfoɛ 3:11

Yiti asomdwee wale aseɛ ne aso afoɛ aburanna. Na Kenase awa Otiniɛl wuli.

1 Samuel 12:9

Nakoso bɛmane bɛ wora fili AWURADE bɛ Nyameɛ; yiti ɔfale bɛ wurale Hasɔ safohene Sisera sa, Filistifoɛ sa, ɔne Moabo hene sa, na sɔ mmenia nemɔ ne bɛ hone koɛ.