Biblia Todo Logo
Bìoball air-loidhne

- Sanasan -




Maenbulɛfoɛ 3:10 - AHYERƐLƐ KRONGRON

10 AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

Faic an caibideil Dèan lethbhreac




Maenbulɛfoɛ 3:10
24 Iomraidhean Croise  

Yeɛ Amasae bɔ ɔla koɛhonɛfoɛ aburasa nemɔ noa ne, Sunzum ne wale ye so ɔ, na ɔhane kyɛ, “O Dawide, yɛte wɔ deɛ; O Yese awa, yɛne wɔ ala! Asomdwee, asomdwee ɔ́yɛ wɔ deɛ, ná ebiala bɔ ɔkɔboka wɔ ne koso, ónya asomdwee! Ofikyɛ wɔ Nyameɛ yeɛ ogyi wɔ si ɔ.” Yiti Dawide maa bɛɛbokale ye so, na ɔmaa bɛlelale ye koɛhonɛfoɛ nemɔ noa.


Nyameɛ Sunzum wale Odɛde awa Asaria so.


Yeɛ AWURADE Sunzum kanyane Yahasiɛl bɔ ye baba ole Sakaria bɔ ye baba ole Benaya bɔ ye baba ole Yeyiɛl bɔ ye baba ole Matania bɔ ɔte Lewiniɛ bɔ ɔte Asafe bosoniɛ ne wɔ badwa nu berɛ.


Nnɛfoa me fi wɔ nyunu, yeɛ nnɛye wɔ krongronyɛlɛ sunzum ne fi me nu.


Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.


Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.


Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”


Balaam mane ye ti so, na onwuni kyɛ Yisraelfoɛ baboaboa bɛ noa mmusua kure mmusua kure. Na Nyameɛ Sunzum wale ye so,


Na AWURADE buale Mose kyɛ, “Ye Nun awa Yosua, bɔ sunzum ne akanyane ye ne, ná fa wɔ sa gua ye so.


Na ɔngɔhora ngɔwa kyɛ bɛ bɔ mmerɛ bie bɛwale kanea ne anu, bɔ benyane nyameɛso akyɛdeɛ ne, bɔ bɛ sa hane Sunzum Krongron ne bie,


Yeɛ AWURADE Sunzum kanyane Yɛfeta, na Yɛfeta ɔɔpɛle nu Gileade ne Manase. Ɔtoale so hɔle Misepa bɔ ɔwɔ Gileade ne. Ofili Misepa bɔ ɔwɔ Gileade, na ɔpɛle nu fale koɛ ɔɔtoale Amonfoɛ.


Yiti Yɛfeta pɛle nu hɔle Amonfoɛ berɛ ɔfale koɛ ɔɔtetale bɛ, na AWURADE fale bɛ wurale ye sa.


AWURADE Sunzum hyɛle ye bo kanyane ye wɔ Mahane Dan bɔ ɔwɔ Sora ne Esetao b’afia ne.


Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.


AWURADE Sunzum wale ye so, na ole ye sa mbaen tetele gyata ne anu pasaa kyɛ wanya abɔngye ba bie bɔ ɔtete ye nu ɔ. Nakoso wanga bɔ wayɔ ne wangyire ye baba anaa ye maame.


Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.


Yiti asomdwee wale aseɛ ne aso afoɛ aburanna. Na Kenase awa Otiniɛl wuli.


Yiti AWURADE fɛle Yisrael so yaa. Ɔfale bɛ wurale Mesopotamia hene Kusan Risatim sa, na Yisraelfoɛ sole Kusan Risatim afoɛ mmɔtwɛ.


Nakoso AWURADE Sunzum wale Gideon so, na ohuli totorobɛndo ne fa frɛle Abiesefoɛ amukoraa maa belili ye si.


Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.


Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.


Na mmerɛ bɔ Sɔɔlo tele sɔ dwirɛ nen, Nyameɛ sunzum kanyane ye, na ɔfɛle yaa hahii.


Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.


Lean sinn:

Sanasan


Sanasan