Maenbulɛfoɛ 21:7 - AHYERƐLƐ KRONGRON

⁷ Bɛbɔ baha ye, ɔkɔyɛ sɛɛ né yanya mmraa yamaa bagyigya, wɔ aberɛ bɔ yafa AWURADE yata ndaen kyɛ yɛngɔfa yɛ mma mmrasua ngɔma Benyaminfoɛ agyaa ɔ?”

Maenbulɛfoɛ 21:7 Iomraidhean Croise

Maenbulɛfoɛ 21:1

Né Yisraelfoɛ ata ndaen wɔ Misepa kyɛ, “Yɛ nu biala ngɔfa ɔwa brasua ngɔma Benyaminniɛ agyaa.”

Maenbulɛfoɛ 21:18

Nakoso yɛngɔhora yɛngɔfa yɛ mma mmrasua yɛngɔma bɛ agyaa.” Ofikyɛ né Yisraelfoɛ bali moa bata ndaen kyɛ, “Ebiala bɔ ɔkɔma Benyaminniɛ braa maa okogya ne, musue to ye.”

Maenbulɛfoɛ 21:22

Na sɛ bɛ baba mɔ anaa b’eliɛma mmienzua mɔ fa ye nwo dwirɛ bato yɛ nyunu a, yɛkɔha yɛkohyire bɛ kyɛ, ‘Ɛ́mɔfa ɛmɔ nye bɛ́to yɛ, ná ɛmɔlo bɛ; ofikyɛ nna koɛ nu yeɛ yɛhyele braa yɛmane bɛ nu biala ɔ. Yeɛ ɛmɔ koso ɛmɔnni fɔ kyɛ ɛmɔafa ɛmɔ mma mmrasua bama bɛ agyaa ɔ.’ ”

Maenbulɛfoɛ 21:6

Nakoso Yisraelfoɛ nwuni b’eliɛma mɔ Benyaminfoɛ anwumvoin, na bɛhane kyɛ, “Abusua kure ko de, ɛnɛ wabɔ wɔ Yisrael.

Maenbulɛfoɛ 21:8

Na bebisale kyɛ, “Yisrael mmusua kure ne, aso nu bie wamma AWURADE nyunu wɔ Misepa anaa?” Benwuni kyɛ ebiala wamvi Yabese Gileade wamma dwaabɔlɛ ne bie wɔ asikyeleɛ ne anu.

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.