Maenbulɛfoɛ 21:6 - AHYERƐLƐ KRONGRON

⁶ Nakoso Yisraelfoɛ nwuni b’eliɛma mɔ Benyaminfoɛ anwumvoin, na bɛhane kyɛ, “Abusua kure ko de, ɛnɛ wabɔ wɔ Yisrael.

Maenbulɛfoɛ 21:6 Iomraidhean Croise

2 Samuel 2:26

Yeɛ Abenɛ teane nu sele Yoabo kyɛ, “Aso odi kyɛ yɛkɔ so yɛfa ngrandɛ yɛdi yɛ nwo awue anaa? Aso ɛnze kyɛ ɔkɔfa ɛpɔen kɔwa ɔ? Ɛkɔmaa okoodwu kyinzu koraka né ama wɔ lɔen ne bayakyi b’eliɛma mɔ foalɛ?”

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Maenbulɛfoɛ 11:35

Yɛfeta nwuni ye pɛ, osunzuale ye bɔbɔ ye ndaadeɛ nu, na osele kyɛ, Yieee, mma, ate m’ahone! Afa edwirɛ awura me paa! Ofikyɛ mahyɛ AWURADE bɔ, na mengɔhora mengɔhwe mengosa.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

Maenbulɛfoɛ 21:15

Yisraelfoɛ nwuni Benyaminfoɛ anwumvoin, ofikyɛ né AWURADE ama Yisrael mmusua kure nemɔ anu atete.

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

Maenbulɛfoɛ 21:7

Bɛbɔ baha ye, ɔkɔyɛ sɛɛ né yanya mmraa yamaa bagyigya, wɔ aberɛ bɔ yafa AWURADE yata ndaen kyɛ yɛngɔfa yɛ mma mmrasua ngɔma Benyaminfoɛ agyaa ɔ?”