Maenbulɛfoɛ 21:3 - AHYERƐLƐ KRONGRON

³ Bɛhane kyɛ, “Ao AWURADE Yisrael Nyameɛ, ɔwale ye sɛ bɔ ɛnɛ ye de yɛpena abusua kure ko a, yɛnnwu ye wɔ Yisrael ɔ?”

Maenbulɛfoɛ 21:3 Iomraidhean Croise

Edwein 74:1

Ao Nyameɛ, nzu ati yeɛ apo yɛ afebɔɔ ye? Wɔ bɔbɔ wɔ mmoaen bɔ ɛma bɛ aleɛ ne, nzu ati yeɛ afɛ yɛ so yaa kandinga ye?

Edwein 80:12

Na nzu ati yeɛ abubu ye nwo fasue mɔ agua ye maa ebiala bɔ ɔpɛ nu kɔ ne, ɔtete ye mma ne bie e?

Anyandera 19:3

Sona bɔbɔ ye gyiminɛ yeɛ ɔma ye ayieleɛ yie ye ɔ, nakoso ɔpɛ ye nwo fɛ AWURADE so yaa.

Yesaya 63:17

O AWURADE, nzu ati yeɛ amaa yali w’atee nwo makyebu, bɔ yayɛ asoserɛ maa yiti yɛnzuro wɔ e? Sa bra, ɔnate wɔ ngoaa ti, w’agyapadeɛ mmusua kure nemɔ ati.

Yeremia 12:1

Ao AWURADE, sɛ mebɔ wɔ kwaadu a, edi be kaenn. Nakoso maa mva me dwirɛ ndo wɔ nyunu. Nzu ati yeɛ oyie bɔnefoɛ yé e? Nzu ati yeɛ ngɔngɔnzaafoɛ amukoraa bɛ so anu atɔ bɛ ɔ?

Deuteronomi 29:24

bɛ ne maen maen mukoraati kɔha kyɛ, ‘Nzu ati yeɛ AWURADE ayɛ aseɛ ye sɔa ye? Nzikyɛ yeɛ ɔmane sɔ ɛyaa piri he wale ye?’

Maenbulɛfoɛ 21:2

Yisraelfoɛ hɔle Betel. Bɛtenane Nyameɛ nyunu wɔ berɛ maa oodwuli nɔsoa, na besuni hahii.

Maenbulɛfoɛ 21:4

Ye alehyeleɛ ne, maen ne dwɔsole ngyerɛmɔ tutuutu. Besili afɔleɛ bokyea wɔ berɛ, na bɛbobɔle naen yeralɛ afɔleɛ ne asomdwee afɔleɛ.