Maenbulɛfoɛ 21:25 - AHYERƐLƐ KRONGRON

²⁵ Sɔ mmerɛ ne, né ɛhene biala nne Yisrael, yiti né ebiala yɔ bɔ okuro ɔ.

Maenbulɛfoɛ 21:25 Iomraidhean Croise

Edwein 12:4

ɔne bɛ bɔ bɛkã kyɛ, “Yɛkɔfa yɛ noa yɛkɔbɔ yɛ nwo waen; yɛ bɔbɔ deinn yeɛ yɛle yɛ noa ɔ, yɛlle meneɛ biala!” ne.

Anyandera 14:12

Atee bie wɔ berɛ a, ɔte paa wɔ kuro sona nye so, nakoso ye ayieleɛ te ewue atee.

Anyandera 3:5

Fa wɔ wora amukoraa wura AWURADE nu, na nnɛfa wɔ nwo to wɔ bɔbɔ wɔ nworɛ so.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Deuteronomi 12:8

Nnɛma ɛmɔyɔ ye kyɛbɔ yɛ́yɔ ye wa ɛnɛ ye, bɔ ebiala yɔ ye kyɛbɔ okuro ne,

Maenbulɛfoɛ 17:6

Sɔ mmerɛ ne, né ɛhene biala nne Yisrael, yiti né ebiala yɔ bɔ okuro ɔ.

Maenbulɛfoɛ 18:1

Sɔ mmerɛ ne, né ɛhene biala nne Yisrael. Na sɔ mmerɛ ne, né Dan abusua kure ne bɛpena bɛ bɔbɔ b’aseɛ bɛtena so. Ofikyɛ ɔbaadwu sɔ mmerɛ ne, Yisrael mmusua kure ne anu, né bɛ de bɛmmane bɛ aseɛ biala.

Maenbulɛfoɛ 18:7

Mmienzua nnu ne toale b’ateetulɛ ne aso, na beedwuli Layise ne, benwuni kyɛ berɛ ama te berɛ asomdwee nu kyɛ Sidonfoɛ nemɔ ala, bɔ bɛndwene kyɛ edwirɛ tɛɛ bie kɔto bɛ ɔ. Né banya bɛ nwo tam bɔ hwee nhia bɛ ɔ. Afei koso né bembingye Sidonfoɛ koraa, yeɛ né bɛ ne Siriafoɛ koso belle hwee bɛnyɔ.

Maenbulɛfoɛ 19:1

Mmerɛ bɔ né ɛhene biala nne Yisrael nen, né Lewiniɛ bie te namue bie anu bɔ ɔwɔ dedeede wɔ Efraim mmokaa aseɛ ne aso. Ɔɔfale sómaa wɔ Betlehem bɔ ɔwɔ Yuda.

Maenbulɛfoɛ 21:24

Afei Yisraelfoɛ fili berɛ mmusua kure mmusua kure ne mmusua mmusua, na besili nu bɛhɔle bɛ bɔbɔ b’aseɛ mɔ so.