Maenbulɛfoɛ 21:2 - AHYERƐLƐ KRONGRON

² Yisraelfoɛ hɔle Betel. Bɛtenane Nyameɛ nyunu wɔ berɛ maa oodwuli nɔsoa, na besuni hahii.

Maenbulɛfoɛ 21:2 Iomraidhean Croise

Gyenesise 27:38

Na Yisɔ sele ɔse kyɛ, “Baba, aso wɔ saleɛ te komapɛ twe. Baba, yira me koso bie e.” Na Yisɔ tikyele esuɛ nu.

Yosua 18:1

Yisraelfoɛ lili aseɛ ne aso ngonim yiele nen, bɛ mukoraa bɛbɔle dwaa wɔ Silo, na besili ɛtena sua atenaleɛ ne wɔ berɛ.

Maenbulɛfoɛ 2:4

AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

Maenbulɛfoɛ 21:12

Benyane ndaluwa bɔ bennwuni biaa le ɔ ɛyaa nna wɔ Yabese Gileadefoɛ nu, na bɛfale bɛ bɛwale asikyeleɛ ne anu berɛ wɔ Silo, bɔ ɔwɔ Kanaan aseɛ so.

Maenbulɛfoɛ 21:3

Bɛhane kyɛ, “Ao AWURADE Yisrael Nyameɛ, ɔwale ye sɛ bɔ ɛnɛ ye de yɛpena abusua kure ko a, yɛnnwu ye wɔ Yisrael ɔ?”

1 Samuel 11:4

Ɛbɔfoɛ nemɔ dwuli Sɔɔlo kuro Gibea, na bɛfale edwirɛ ne nwo amaneɛ bɛbɔle berɛ ama nen, mmenia ne amukoraa bɛsɔle awuyebɔlɛ nu.

1 Samuel 30:4

Yiti Dawide ne mmenia bɔ bɛboka ye so ne betikyele esuɛ nu, na besuni toonn mane b’anwoserɛ bɔ bɛfa besu ne yiele.