Maenbulɛfoɛ 21:10 - AHYERƐLƐ KRONGRON

¹⁰ Yiti maen ne somane koɛhonɛfoɛ apee buru ne nyɔ maa bɛhɔle berɛ, na bɛhyɛle bɛ kyɛ, “Ɛ́mɔfa ngrandɛ beehuhu Yabese Gileadefoɛ; mmrasua ne ngwandaa koso boka so.

Maenbulɛfoɛ 21:10 Iomraidhean Croise

Numeri 31:17

Yiti kekesaala ye, ɛ́mɔhu ngwadaa ne anu bienzua biala, ná ɛ́mɔhu brasua biala bɔ ɔne bienzua bala le ɔ.

Deuteronomi 13:15

ye de ɔsɛ kyɛ ɛfa ngrandɛ kuku kuro ne aso ama. Sɛkye kuro ne bɔkɔɔ, nu nningyein amukoraati, nu mmenia ne nu nyɛmmoa.

Yosua 7:24

Afei Yosua ne Yisraelfoɛ amukoraati bɛfale Sera awa Akan, ɛdwetɛ ne, aguasoɛ ne, sikaa kɔkorɛ ne, Akan mma mmienzua ne mmrasua, ye nandwie mɔ, ye afunum mɔ, ye mmoaen, ye tena sua ne, ɔne ye nwo nningyein amukoraa, na bɛfale bɛ bɛwale Akɔre Bɔnza nu.

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

Maenbulɛfoɛ 21:8

Na bebisale kyɛ, “Yisrael mmusua kure ne, aso nu bie wamma AWURADE nyunu wɔ Misepa anaa?” Benwuni kyɛ ebiala wamvi Yabese Gileade wamma dwaabɔlɛ ne bie wɔ asikyeleɛ ne anu.

Maenbulɛfoɛ 21:9

Ofikyɛ bɛhale mmenia bɔ bayia nu berɛ ne, né Yabese Gileadeniɛ biala nne berɛ bie.

Maenbulɛfoɛ 5:23

AWURADE abɔfo nwa: Ɛ́mɔnoma Merose, ɛ́mɔnoma nu ama paa, ofikyɛ bamma ammoka AWURADE, bamma ammoka AWURADE maa wango wandia anwoserɛfoɛ nemɔ.

1 Samuel 11:7

Ɔhyele nandwie nyii nyɔ bɔ bafa kɔnnua basosɔ bɛ babɔ nu ɔ, ɔpepɛle bɛ nu ahuronzi ahuronzi, na ɔfa somane ɛbɔfoɛ maa bɛhɔle Yisrael aseɛ so amukoraa beesele kyɛ, “Sona biala bɔ wanni Sɔɔlo ne Samuel si wangɔ koɛ ne, sɔ ala yeɛ bɛkɔpepɛ ye nandwie mɔ nu ɔ.” Afei AWURADE nwo suronyi tɔle maen ne aso, na mmenia ne amukoraa bɛbɔle nu befite bɛwale.

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”