Maenbulɛfoɛ 21:1 - AHYERƐLƐ KRONGRON

¹ Né Yisraelfoɛ ata ndaen wɔ Misepa kyɛ, “Yɛ nu biala ngɔfa ɔwa brasua ngɔma Benyaminniɛ agyaa.”

Maenbulɛfoɛ 21:1 Iomraidhean Croise

Nworɛ Dwirɛhanɛniɛ 5:2

Nnɛperepere wɔ nwo bukye wɔ noa, yeɛ nnɛperepere wɔ nwo ma edwirɛ fite wɔ noa wɔ Nyameɛ nyunu. Ofikyɛ Nyameɛ wɔ nyameɛso, yeɛ wɔ wora ɛwɔ aseɛ ye aso, yiti ma wɔ dwirɛ yɛ ndika ndika.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Yeremia 40:6

Yeɛ Yeremia hɔle Ahikam awa Gedalia berɛ wɔ Misepa, na ɔne ye bɛɛtenane wɔ mmenia bɔ bayakyi bɛ wɔ aseɛ ne aso nemɔ anu.

Marko 6:23

Na ɔfale ndaen foale so hyirele ye kyɛ, “Nikyee biala bɔ ekobisa me ne, sɛ odi m’ahennie bue po a, ngɔfa ngɔma wɔ.”

Asomafoɛ 23:12

Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa.

Romanfoɛ 10:2

Medi bɛ nwo adanzeɛ kyɛ bele Nyameɛ nwo dɔ; nakoso bɛ mmɔdenbɔlɛ ne oggyi nahorɛ nimdeɛ so.

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.

Maenbulɛfoɛ 20:10

Yisrael abusua kure amukoraa, yɛkɔye mmenia ɛyaa ko biala nu buru; mmenia apee ko biala nu ɛyaa ko, yeɛ mmenia apee buru biala nu apee ko. Sɔ mmenia ne yeɛ bɛkɔfa aleɛ bɛkɔbrɛ koɛhonɛfoɛ bɔ bɛkwaatɔ Benyaminfoɛ kuro Gibea so wereɛ ne ɔ, ɔnate nyanzoen bra amukoraa bɔ Gibeafoɛ babɔ ye wɔ Yisrael ne ati.”

Maenbulɛfoɛ 20:48

Yisraelfoɛ sa kakyili bɛ nye besa bɛwale Benyaminfoɛ so. Bɛbɔle kuro ne, na bele ngrandɛ behuhuni mmenia amukoraa ne ngaka amukoraa. Na nguro bɔ baha nemɔ koso, bɛtole bɛ nu see.

Maenbulɛfoɛ 20:8

Mmenia ne amukoraa bɛbɔle nu bedwɔsole, na bɛhane kyɛ, “Yɛ nu biala ngɔhɔ ye ɛtena sua nu, yeɛ yɛ nu biala ngosa ngɔhɔ ye awuro.

Maenbulɛfoɛ 21:18

Nakoso yɛngɔhora yɛngɔfa yɛ mma mmrasua yɛngɔma bɛ agyaa.” Ofikyɛ né Yisraelfoɛ bali moa bata ndaen kyɛ, “Ebiala bɔ ɔkɔma Benyaminniɛ braa maa okogya ne, musue to ye.”

Maenbulɛfoɛ 21:22

Na sɛ bɛ baba mɔ anaa b’eliɛma mmienzua mɔ fa ye nwo dwirɛ bato yɛ nyunu a, yɛkɔha yɛkohyire bɛ kyɛ, ‘Ɛ́mɔfa ɛmɔ nye bɛ́to yɛ, ná ɛmɔlo bɛ; ofikyɛ nna koɛ nu yeɛ yɛhyele braa yɛmane bɛ nu biala ɔ. Yeɛ ɛmɔ koso ɛmɔnni fɔ kyɛ ɛmɔafa ɛmɔ mma mmrasua bama bɛ agyaa ɔ.’ ”

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

Maenbulɛfoɛ 21:7

Bɛbɔ baha ye, ɔkɔyɛ sɛɛ né yanya mmraa yamaa bagyigya, wɔ aberɛ bɔ yafa AWURADE yata ndaen kyɛ yɛngɔfa yɛ mma mmrasua ngɔma Benyaminfoɛ agyaa ɔ?”

1 Samuel 14:24

Yisraelfoɛ lili amia sɔ kyẽa ne, ofikyɛ Sɔɔlo tale ndaen guale koɛhonɛfoɛ nemɔ so kyɛ, “Ofi bekye bɔ ɔkwaadwu nɔsoa, kyɛ oodwu kyɛ ngɔtɔ me pɔfoɛ mɔ so wereɛ ne, ebiala bɔ okodidi ne, musue to ye.” Yiti koɛhonɛfoɛ nemɔ anu biala wamva aleɛ wanga ye noa.