Maenbulɛfoɛ 20:6 - AHYERƐLƐ KRONGRON

⁶ Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.

Maenbulɛfoɛ 20:6 Iomraidhean Croise

Gyenesise 34:7

Yakob mma mmienzua nemɔ tele bɔ wasi ne, befili eburo dɔ bɛwale. Ɔyɛle bɛ yea, na bɛfɛle yaa paa ofikyɛ Sɛkem ali ngwaseasɛm wɔ Yisrael; wayɔ bɔ bɛnyɔ ɔ, kyɛ ɔne Yakob awa brasua ala ɔ.

Lewitikɔso 18:24

“Nnɛma ɛmɔyɔ ɛhemɔ anu biala begua ɛmɔ nwo fiɛ, ofikyɛ maen maen bɔ méfoa bɛ méfi ɛmɔ nyunu ne, ɔnate sɔ yɔleɛ hemɔ aso yeɛ beguale bɛ nwo fiɛ ɔ,

Lewitikɔso 18:30

Ɛ́mɔli m’ahyɛdeɛ so, na mmenia bɔ né bɛte aseɛ ne aso daa ne, akyiwadeɛ bɔ bɛyɔle ne, nnɛma ɛmɔyɔ bie, ná ɔnate so ɛmɔangua ɛmɔ nwo fiɛ: Me ole AWURADE ɛmɔ Nyameɛ.”

Yosua 7:15

Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

Maenbulɛfoɛ 19:22

Na begu so bɛgye bɛ nye ne, kuro berɛ mmienzua asanzafoɛ biemɔ bɛɛpɛle awuro ne anwo beyiale, na bɛhyɛle ye bo bɛborole anoa ne anu. Besele biaa aworowaa bɔ yeɛ ɔte awuro ne mene ne kyɛ, “Biaa bɔ wawa w’awuro wa ne, ye ye fite bra maa yɛne ye la.”

Maenbulɛfoɛ 19:23

Yeɛ biaa ne bɔ ɔte awuro ne mene ne, ofite ooyiale bɛ, na osele bɛ kyɛ, “Daabi, daabi, nniɛma mɔ, nnɛma ɛmɔyɔ sɔ amumuyɛɛ he. Biaa he te me wɔfoɛ, yiti nnɛma ɛmɔyɔ sɔ nyanzoen nikyee he.

Maenbulɛfoɛ 19:29

Odwuli ye awuro ne, ɔfale dadeɛ ba. Ɔsɔle ye sómaa ne fuin ne anu, na ɔpepɛle nu ahuronzi ahuronzi buru ne nyɔ wɔ ye aporɛ aporɛ so, na ɔfa somane maa bɛhɔle Yisrael maen amukoraa nu.

Maenbulɛfoɛ 20:10

Yisrael abusua kure amukoraa, yɛkɔye mmenia ɛyaa ko biala nu buru; mmenia apee ko biala nu ɛyaa ko, yeɛ mmenia apee buru biala nu apee ko. Sɔ mmenia ne yeɛ bɛkɔfa aleɛ bɛkɔbrɛ koɛhonɛfoɛ bɔ bɛkwaatɔ Benyaminfoɛ kuro Gibea so wereɛ ne ɔ, ɔnate nyanzoen bra amukoraa bɔ Gibeafoɛ babɔ ye wɔ Yisrael ne ati.”