Maenbulɛfoɛ 20:48 - AHYERƐLƐ KRONGRON

⁴⁸ Yisraelfoɛ sa kakyili bɛ nye besa bɛwale Benyaminfoɛ so. Bɛbɔle kuro ne, na bele ngrandɛ behuhuni mmenia amukoraa ne ngaka amukoraa. Na nguro bɔ baha nemɔ koso, bɛtole bɛ nu see.

Maenbulɛfoɛ 20:48 Iomraidhean Croise

2 Aberɛso Dwirɛ 25:13

Nakoso koɛhonɛfoɛ bɔ Amasia maa besa bɛhɔle, bɔ wamva bɛ wangɔ koɛ ne bie ne, bɛfale koɛ bɛɛtetale Yuda nguro fi Samaria bɔ ɔkwaadwu Bete Horon. Behuhuni mmenia apee nza wɔ nguro nemɔ anu, na bɛfale koɛ nu nzesadeɛ pee bɛhɔle.

Anyandera 18:19

Aliɛmaa bɔ ayɛ ye tɛɛ ne, ɔyɛ se kyɛ ɔne wɔ bɛkɔyɛ ko, tra kyɛ ekoli kuro bɔ bato ye nwo fasue so ngonim ɔ, na bɛ ngondii te kyɛ mmuralɛ bɔ ɔbrambram sua anoa asi ɔ.

Maenbulɛfoɛ 20:47

Nakoso bɛ nu ɛyaa nzia kakyili bɛ nwo bɛfale bɛ nye behyirele ɛserɛ so bɛhɔle Rimon nyɔbotaen ne anwo, na bɛtenane Rimon nyɔbotaen ne anwo alaa bosome nna.

Maenbulɛfoɛ 21:1

Né Yisraelfoɛ ata ndaen wɔ Misepa kyɛ, “Yɛ nu biala ngɔfa ɔwa brasua ngɔma Benyaminniɛ agyaa.”

Maenbulɛfoɛ 21:23

Benyaminfoɛ yɔle sɔ ala. Mmrasua bɔ bego abilie bɔ bɛbobɔle bɛ abum ne, ɔnate so mane bɛ nu biala nyane braa ogyale. Besa bɛhɔle b’aseɛ so, na besa bɛkyekyele bɛ nguro mɔ bɛtenane nu.