Maenbulɛfoɛ 20:42 - AHYERƐLƐ KRONGRON

⁴² Yiti Benyaminfoɛ kakyili bɛ nwo befili Yisraelfoɛ nyunu bɛfale bɛ nye behyirele ɛserɛ so atee ne aso; nakoso Yisraelfoɛ buale bɛ noa so, na Yisraelfoɛ bɔ né bɛwɔ kuro ne anu ne, bɛhane Benyaminfoɛ bemiane behuhuni bɛ.

Maenbulɛfoɛ 20:42 Iomraidhean Croise

Awuye 1:3

Amaneɛnwunɛ ne nhyɛsoɛ kandinga nu yeɛ bahye Yuda nnure bahɔ ɔ. Waatena amaen maen mɔ nu, na onnya nekaa bɔ ɔkɔtena kole ye nwome ɔ, bɛ bɔ bɛfoa ye ne amukoraa baato ye, bahã ye bapua wɔ atee kyenɔnn bie aso.

Hosea 10:9

Ao Yisrael, ayɔ bɔne fi Gibea mmerɛ ne; berɛ yeɛ bɛtoale bɔne ne aso ɔ. Aso koɛ ammu amva amumuyɛɛfoɛ nemɔ aso wɔ Gibea?

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Yosua 8:15

Yosua ne Yisrael amukoraati bɛboapa bɛyɛle kyɛ kuro berɛ ama ali bɛ so ngonim, na bɛnwatili bɛfale ɛserɛ so dɔ atee ne aso.

Yosua 8:24

Yisraelfoɛ huhuni Ayefoɛ amukoraati wɔ ɛserɛ pralaa ne aso yiele. Berɛ yeɛ Ayefoɛ foane Yisraelfoɛ hɔle ɔ, na bɛ mukoraa bɛtotɔle ngrandɛ noa maa beyiele bɔkɔɔ nen, Yisraelfoɛ amukoraa sa wale Aye, na bɛfale ngrandɛ beehuhuni mmenia bɔ baha berɛ ne.