Maenbulɛfoɛ 20:41 - AHYERƐLƐ KRONGRON

⁴¹ Afei Yisrael koɛhonɛfoɛ kure piri ne kakyili bɛ nye, na Benyaminfoɛ nye so tanene, ofikyɛ benwuni kyɛ edwirɛ piri ato bɛ.

Maenbulɛfoɛ 20:41 Iomraidhean Croise

Anyandera 11:5

Sona bɔ ye bra te sannwuu ne, ye tenenee ma ye atee tengyɛ, nakoso bɔnefoɛ de, ye bɔbɔ ye bɔne yeɛ okotua ye kerɛ ɔ.

Anyandera 11:6

Sona bɔ ye bra te sannwuu ne, ye tenenee kɔpepɛ kole ye, nakoso ngondomboniɛ de, ye anyeboroborolɛ kakyi ngaen kye ye.

Anyandera 29:6

Bɔnefoɛ, ye mmeraatolɛ kakyi ngaen kye ye, nakoso teneneeniɛ de, ɔto dwein di ahurusi.

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Luka 21:26

Na ahunundetelɛ, ɔne nningyein bɔ bɛnea a ɔbaasisi wiase ne, ɔkɔma mmenia nye so koburu bɛ; ofikyɛ bɛkɔwoso anwuro tumi mɔ.

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

Yosua 8:20

Na mmerɛ bɔ Aye mmienzua tole bɛ nye bɛneane nziɛ nen, benwuni kyɛ kuro ne anu nwosina ótu kɔ anwuro. Yiti né bennwu nekaa horɛ bɔ bɛnwati bɛhɔ ɔ, ofikyɛ Yisraelfoɛ bɔ bɛnwatili bɛhɔle ɛserɛ so dɔ ne, bɛkakyili bɛ nwo bɛwale Ayefoɛ so.

2 Petro 2:12

Nakoso sɔ mmenia hemɔ, bɔ bɛte kyɛ ngaka bɔ adwene nne bɛ ti anu, bɔ bɛwole bɛ kyɛ bɛhye bɛ behũ bɛ ne, bɛkekã dwirɛ betia nikyee biala bɔ bɛnde ye bo ɔ, na bɛ bɔbɔ bɛ sɛkyelɛ nu yeɛ bekowuwu ɔ,