Maenbulɛfoɛ 20:34 - AHYERƐLƐ KRONGRON

³⁴ Koɛhonɛfoɛ ahoneserɛfoɛ apee buru bɔ befi Yisrael maen ne anu amukoraa, bɛfale koɛ bɛɛtetale Gibea, na koɛ ne anu yɛle se paa. Nakoso Benyaminfoɛ bannwu ye kyɛ edwirɛ piri yeɛ wato bɛ ɔ.

Maenbulɛfoɛ 20:34 Iomraidhean Croise

YOB NWOMAA NE 21:13

Amumuyɛɛfoɛ di bɛ mmerɛ wɔ anwonya nu, na afei, bɛkɔ ɛborɔ.

Anyandera 29:6

Bɔnefoɛ, ye mmeraatolɛ kakyi ngaen kye ye, nakoso teneneeniɛ de, ɔto dwein di ahurusi.

Anyandera 4:19

Nakoso bɔnefoɛ de, b’atee te kyɛ awosii tunn, bennwu nikyee bɔ bɛfofo so ɔ.

Nworɛ Dwirɛhanɛniɛ 9:12

Sona biala nze ye mmerɛ deɛ. Na kyɛbɔ bɛfa asawu atianuserɛserɛ bɛkye egyein, ná besua ngaen bɛkye nnomaa ne, sɔ ala yeɛ mmerɛ tɛɛ te ngaen bɔ ɔkye adasa mvum nu ɔ.

Yesaya 47:11

Yiti musue kɔto wɔ bɔ engonya ye sɔbea ɔ; abue kobu wɔ bɔ engonya ye noa mbata biala ɔ; na asane kɔto wɔ mvum nu bɔ engonwu ye nwo hwee ɔ.

Mateo 24:44

Yiti ɛmɔ koso, ɛ́mɔboaboa ɛmɔ nwo bésie, ɔnate kyɛ mmerɛ bɔ ɛmɔnzusu ɔ nu yeɛ Sona Awa ne kɔwa ɔ.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

Yosua 8:14

Mmerɛ bɔ Aye hene nwuni edwirɛ bɔ ɔ́kɔ so nen, ɔne ye mmenia mukoraati, kuro berɛ mmienzua ne, bɛyɛle ndɛndɛ ngyerɛmɔ tutuutu kyɛ bɛkwaafa koɛ bɛtetale Yisrael wɔ Araba ndendeneɛ so, nakoso né ɔnze kyɛ Yisraelfoɛ baatetɛ ye wɔ kuro ne asi.

Maenbulɛfoɛ 20:35

Na AWURADE lili Benyamin so ngonim mane Yisrael. Sɔ kyẽa ne, Yisraelfoɛ huhuni Benyaminfoɛ bɔ bɛ mukoraa betiratira akodeɛ ɔ apee aburanyɔ ne nnu ɔne ɛyaa ko.