Maenbulɛfoɛ 20:15 - AHYERƐLƐ KRONGRON

¹⁵ Sɔ kyẽa ne, Benyaminfoɛ boaboale koɛhonɛfoɛ apee aburanyɔ ne nzia bɔ betiratira akodeɛ noa befili bɛ nguro nemɔ aso, asora koɛhonɛfoɛ ahoneserɛfoɛ ɛyaa nzoo bɔ befi Gibea ne.

Maenbulɛfoɛ 20:15 Iomraidhean Croise

Numeri 1:36

Benyamin bosofoɛ bɔ bɛhale bɛ ngoko ngoko, kyɛbɔ b’aworɛ ndoatoasoɛ, bɛ mmusua mmusua ɔne bɛ nana mɔ sasofoɛ te ne, ɔne mmienzua amukoraa bɔ bali ofi afoɛ aburanyɔ bɔ ɔkɔ ɔ, bɔ bɛkora bɛkɔ koɛ ne, bɛ somaa ɛhe:

Numeri 1:37

Benyamin abusua kure nu ama bɔ bɛhale bɛ ne, bɛte apee aburasa ne nnu ɔne ɛyaa nna.

Numeri 2:23

na ye lɔen bɔ baha bɛ ne, bɛ somaa te apee aburasa ne nnu ɔne ɛyaa nna.

Numeri 26:41

Benyamin boso ama mɔ, bɛ mmusua mmusua mɔ ɛne. Bɛhale nu mmenia ne, bɛ somaa te apee aburanna ne nnu ɔne ɛyaa nzia.

Maenbulɛfoɛ 20:14

Benyaminfoɛ fili bɛ nguro nemɔ aso bɛɛboale bɛ noa wɔ Gibea kyɛ bɛ ne Yisraelfoɛ bɛkwaaho.

Maenbulɛfoɛ 20:22

Yisraelfoɛ koɛhonɛfoɛ nemɔ sili bɛ hue, na besa beegyinagyinane nekaa bɔ beegyinane kyẽa bɔ oli moa ne.

Maenbulɛfoɛ 20:25

Sɔ elenyɔ ne aso, Benyaminfoɛ fili Gibea bɛɛfale koɛ bɛtetale Yisraelfoɛ, na besa behuhuni Yisraelfoɛ bɔ bɛ mukoraa betiratira akodeɛ ɔ apee buru ne mmɔtwɛ.

Maenbulɛfoɛ 20:35

Na AWURADE lili Benyamin so ngonim mane Yisrael. Sɔ kyẽa ne, Yisraelfoɛ huhuni Benyaminfoɛ bɔ bɛ mukoraa betiratira akodeɛ ɔ apee aburanyɔ ne nnu ɔne ɛyaa ko.