Maenbulɛfoɛ 20:13 - AHYERƐLƐ KRONGRON

¹³ Sɔ busuefoɛ bɔ bɛwɔ Gibea ye, ɛ́mɔye bɛ bɛma yɛ kekesaala ye maa yɛhu bɛ, ná yɛkyikyi bɔne ne yɛfi Yisrael.” Nakoso Benyaminfoɛ bandɛ b’eliɛma mɔ Yisraelfoɛ so.

Maenbulɛfoɛ 20:13 Iomraidhean Croise

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

2 Samuel 23:6

Nakoso amumuyɛɛfoɛ de, bɛ mukoraa bɛte kyɛ mmowue bɔ begyi begua ɔ, ofikyɛ ɛngɔhora ngɔfa wɔ sa ngɔsesa.

1 Ahemvo 21:13

Asanzafoɛ nyɔ nemɔ wale bɛɛtenane Nabɔto nyunu ndendeneɛ so. Na asanzafoɛ nemɔ bɔle Nabɔto kwaadu wɔ dwaa ne anu kyɛ, “Nabɔto ahã musue dwirɛ watia Nyameɛ ne Nana Ahabo.” Yiti ɛlɔen ne fale Nabɔto bɛhɔle kuro ne tiwaa bɛɛborole ye nyɔboɛ behuni ye.

2 Aberɛso Dwirɛ 13:7

Na asanzafoɛ biemɔ bɔ bɛ nwo olle mvasoɛ ɔ bɛɛbokale ye so. Na mmerɛ bɔ Solomon awa Rehoboam ɔte akwadaa bɔ ye nye nyɛ se, bɔ né ɔngora ɔne bɛ mbem so ne, bɛho betiale ye.

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

2 Aberɛso Dwirɛ 25:20

Nakoso Amasia wandɛ ye so. Ofikyɛ né Nyameɛ yeɛ opiapia bɛ ɔ, amaa ɔnate so wafa bɛ wawura pɔfoɛ mɔ sa, ɔnate Edom mmosoen bɔ Yudafoɛ bɛɛsɔnene bɛ ne ati.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Nworɛ Dwirɛhanɛniɛ 11:10

Ye aworabɔlɛ fi w’ahone nu, ná ye anwoɔnaen nu ateetee fi wɔ so, ofikyɛ ngwadaa nu ne mmerandeɛ nu po te mbaen.

Hosea 10:9

Ao Yisrael, ayɔ bɔne fi Gibea mmerɛ ne; berɛ yeɛ bɛtoale bɔne ne aso ɔ. Aso koɛ ammu amva amumuyɛɛfoɛ nemɔ aso wɔ Gibea?

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

1 Korintofoɛ 5:13

Na Nyameɛ yeɛ okobua bɛ bɔ bɛnne ɛmɔ fekue ne anu ndɛen ɔ. Yiti ɛmɔfoa amumuyɛɛniɛ ne béfi ɛmɔ nu.

2 Korintofoɛ 6:15

Koyɛlɛ beni yeɛ ɔwɔ Kristo ne Belia b’afia ɔ? Anaakyɛ abiɛngoɛfalɛ beni yeɛ ɔla gyidiniɛ ne sona bɔ onne nni b’afia ɔ?

Deuteronomi 13:13

busuefoɛ biemɔ adwɔso wɔ ɛmɔ nu, na balakalaka kuro ne anu mmenia kyɛ, ‘Ɛ́mɔma yɛɛso nyameɛ foforɛ biemɔ’ (nyameɛ mɔ bɔ ɛmɔnze bɛ a),

Deuteronomi 13:5

Nakoso sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne de, ɛ́mɔhu ye, ofikyɛ wafa ye noa dwirɛ wabɔ mmenia asɔne wafi AWURADE wɔ Nyameɛ bɔ ɔyele ɛmɔ fili Misraim aseɛ so, ná olele wɔ fili ngoaasolɛ nu ne nwo. Na ɔtwetwe wɔ fi atee bɔ AWURADE wɔ Nyameɛ hyɛle wɔ kyɛ ɛfa so ne aso. Yiti ɔsɛ kyɛ etu bɔne ne bo fi wɔ nu.

Deuteronomi 13:6

“Na sɛ eliɛma bienzua, ɛse awa bienzua anaa eni awa bienzua, anaa ɛwa bienzua anaa brasua, anaa ɛye bɔ ɔla w’ahone nwo, anaa ebiɛngo bɔ ɛne ye bɛbɔ kyiremvua bɛtafe po lakalaka wɔ ahameɛ kyɛ, ‘Maa yɛɛso nyameɛ foforɛ biemɔ’ (bɔ wɔ anaa wɔ nana mɔ bɛnze bɛ),

Deuteronomi 17:12

Na sɛ ebie yɛ anwomasoɛ, ná wandie ɔsɔfo bɔ baye ye kyɛ ɔ́yɔ ɔsɔfo adwuma wɔ berɛ ma AWURADE wɔ Nyameɛ ne, anaakyɛ ndɛenbualɛniɛ ne a, ɔsɛ kyɛ beku sɔ sona ne. Yiti ɔsɛ kyɛ etu bɔne ne bo fi Yisrael.

Deuteronomi 17:7

Adanzefoɛ nemɔ, ɔsɛ kyɛ bedi moa bɛboro sona bɔ babua ye ewue foɛ ne nyɔboɛ koraka, ná afei mmenia ne amukoraati baboro ye nyɔboɛ bie. Yiti ɔsɛ kyɛ etu bɔne ne bo fi wɔ nu.

Deuteronomi 19:19

ye de bɔ ahaa adanzewianiɛ ne pena kyɛ ɔfa di oliɛngo ne, ɔsɛ kyɛ ɛmɔfa sɔ ala bedi adanzewianiɛ ne. Yiti ɔsɛ kyɛ etu bɔne ne bo fi wɔ nu.

Deuteronomi 21:21

Na afei ɔsɛ kyɛ kuro berɛ ama mukoraati boro ye nyɔboɛ beku ye. Yiti ɔsɛ kyɛ etu bɔne ne bo fi wɔ nu; na Yisrael mukoraati kɔte ná basuro.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Deuteronomi 22:24

odi kyɛ ɛmɔfa bɛ munyɔ bɛba kuro berɛ pambim ne anu, ná ɛmɔboro bɛ nyɔboɛ beku bɛ. Ɛ́mɔhu braa ne, ofikyɛ né ɔwɔ kuro nu, nakoso wandeatea nu wamvrɛ mmenia; ɛ́mɔhu biaa ne koso, ofikyɛ wafa obiɛngo aye. Yiti ɔsɛ kyɛ etu bɔne ne bo fi wɔ nu.

Deuteronomi 24:7

“Sɛ bɛkye ebie kyɛ ɔ́kye oliɛma Yisraelniɛ nnure, anaa ɔ́hyɛ ye so kyɛ kanganiɛ, anaa ɔ́yɛ ye atɔen a, ye de ɔsɛ kyɛ beku sɔ sona ne. Yiti ɔsɛ kyɛ etu bɔne ne bo fi wɔ nu.

Maenbulɛfoɛ 19:22

Na begu so bɛgye bɛ nye ne, kuro berɛ mmienzua asanzafoɛ biemɔ bɛɛpɛle awuro ne anwo beyiale, na bɛhyɛle ye bo bɛborole anoa ne anu. Besele biaa aworowaa bɔ yeɛ ɔte awuro ne mene ne kyɛ, “Biaa bɔ wawa w’awuro wa ne, ye ye fite bra maa yɛne ye la.”

Maenbulɛfoɛ 20:12

Yisrael mmusua kure nemɔ somane mmenia maa behyinini Benyamin abusua kure ne anu ama mukoraa so bebisale bɛ kyɛ, “Nzikyɛ nzɛmmɔne yeɛ ɛmɔali ye wɔ wa ye?

Maenbulɛfoɛ 20:14

Benyaminfoɛ fili bɛ nguro nemɔ aso bɛɛboale bɛ noa wɔ Gibea kyɛ bɛ ne Yisraelfoɛ bɛkwaaho.

1 Samuel 2:25

Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.

1 Samuel 30:22

Yeɛ mmenia bɔ bɛ ne Dawide hɔle ne, bɛ nu atianuserɛfoɛ ne ammɔbrafoɛ biemɔ sele kyɛ, “Bɛ ne yɛ angɔ, yiti koɛ nu nzesadeɛ bɔ yaale ne, yɛngɔma bɛ bie. Bɛ ye mɔ ne bɛ mma mɔ ala, yeɛ bɛ nu biala ye sa kɔha ye ɔ.”