Maenbulɛfoɛ 20:10 - AHYERƐLƐ KRONGRON

¹⁰ Yisrael abusua kure amukoraa, yɛkɔye mmenia ɛyaa ko biala nu buru; mmenia apee ko biala nu ɛyaa ko, yeɛ mmenia apee buru biala nu apee ko. Sɔ mmenia ne yeɛ bɛkɔfa aleɛ bɛkɔbrɛ koɛhonɛfoɛ bɔ bɛkwaatɔ Benyaminfoɛ kuro Gibea so wereɛ ne ɔ, ɔnate nyanzoen bra amukoraa bɔ Gibeafoɛ babɔ ye wɔ Yisrael ne ati.”

Maenbulɛfoɛ 20:10 Iomraidhean Croise

Lewitikɔso 18:24

“Nnɛma ɛmɔyɔ ɛhemɔ anu biala begua ɛmɔ nwo fiɛ, ofikyɛ maen maen bɔ méfoa bɛ méfi ɛmɔ nyunu ne, ɔnate sɔ yɔleɛ hemɔ aso yeɛ beguale bɛ nwo fiɛ ɔ,

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Yosua 7:15

Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

Maenbulɛfoɛ 20:11

Yiti Yisraelfoɛ amukoraa, bɛbɔle nu kyɛ bɛfa koɛ bɛkɔteta kuro ne.

Maenbulɛfoɛ 20:6

Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.

Maenbulɛfoɛ 20:9

Na bɔ yɛkɔfa yɛkɔyɔ Gibea kuro ne ɛhe: yɛkɔfa serewagualɛ so yɛkɔye mmenia bɔ bɛkɔfa koɛ bɛkɔɔteta bɛ ɔ.

Maenbulɛfoɛ 21:1

Né Yisraelfoɛ ata ndaen wɔ Misepa kyɛ, “Yɛ nu biala ngɔfa ɔwa brasua ngɔma Benyaminniɛ agyaa.”