Maenbulɛfoɛ 20:1 - AHYERƐLƐ KRONGRON

¹ Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.

Maenbulɛfoɛ 20:1 Iomraidhean Croise

2 Samuel 19:14

Dawide noa dwirɛ ne hane mmenia bɔ bɛwɔ Yuda amukoraa bɔle nu maa bɛyɛle ko, na bɛmaa beesele Nana Dawide kyɛ, “Sa bra, ɛne wɔ somvoɛ amukoraa.”

2 Samuel 2:9

Ɔfale ye sili Gileade, Asurifoɛ, Yesreel, Efraim, Benyamin ne Yisrael mukoraa so hene.

2 Samuel 24:2

Yiti Nana Dawide sele Yoabo ne safohene nemɔ kyɛ, “Ɛmɔɔhyini Yisrael mmusua kure amukoraa nu, fite Dan bɔ ɔkwaadwu Beɛ Hyeba, ná ɛ́mɔha mmenia ne ma nwu bɛ somaa.”

2 Samuel 3:10

Ɔtale ndaen kyɛ, ɔkɔye ahennie ne kofi Sɔɔlo awuro, ná wama Dawide ali Yisrael ne Yuda so hene, fite Dan bɔ ɔkwaadwu Beɛ Hyeba.”

1 Ahemvo 5:5

Yiti mepena kyɛ mesi sua mefa AWURADE me Nyameɛ dumaa meto so, kyɛbɔ AWURADE hã hyirele me baba Dawide kyɛ, ‘Ɛwa bɔ ngɔfa ye ngosi wɔ gya nu maa okoli wɔ bia ne, ye yeɛ okosi sua kɔfa me dumaa kɔto so ɔ.’

2 Ahemvo 25:23

Na Yuda safohene nemɔ amukoraa bɛ ne bɛ koɛhonɛfoɛ tele kyɛ Babilɔn hene abɔ Gedalia amrado ne, bɛ ne bɛ koɛhonɛfoɛ hɔle Gedalia berɛ wɔ Misepa. Bɛ ole: Netania awa Yismael, Karea awa Yohanan, Netofaniɛ Tanhumete awa Seraya, yeɛ Yaasania bɔ ɔse te Maakatiniɛ ne.

1 Aberɛso Dwirɛ 21:2

Yiti Dawide sele Yoabo ne safohene nemɔ kyɛ, “Ɛmɔɔha Yisraelfoɛ amukoraa, ofi Beɛ Hyeba bɔ ɔkwaadwu Dan, ná ɛ́mɔfa ye nwo amaneɛ bɛɛbɔ me maa nwu bɛ somaa.”

2 Aberɛso Dwirɛ 30:5

Yiti bɛhyɛle mmeraa wɔ Yisrael amukoraa, fi Beɛ Hyeba kɔpem Dan, kyɛ ebiala ɔbra ooli Abɔtra aluolue ne ɔhyɛ AWURADE Yisrael Nyameɛ ne animnyam wɔ Yerusalem; ofikyɛ né mmenia bɛmmɔ nu benni Abɔtra ne kyɛbɔ bahyehyɛ bato berɛ wɔ mmeraa nwomaa ne anu ne.

Ɛsra 3:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena nguro nemɔ aso nen, bɛ mukoraa bɛbɔle nu bɛɛboale bɛ noa wɔ Yerusalem.

Nehemia 11:27

Hasa Soale, Beɛ Hyeba ye nwo nguraa mɔ,

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Yeremia 40:6

Yeɛ Yeremia hɔle Ahikam awa Gedalia berɛ wɔ Misepa, na ɔne ye bɛɛtenane wɔ mmenia bɔ bayakyi bɛ wɔ aseɛ ne aso nemɔ anu.

Numeri 32:1

Né Ruben boso ama mɔ ne Gade boso ama mɔ bele nyɛmmoa pee paa. Mmerɛ bɔ Gadefoɛ ne Rubenfoɛ nwuni kyɛ Yasere aseɛ ɔne Gileade aseɛ te paa ma ngaka sielɛ ne,

Numeri 32:40

Yiti Mose fale Gileade mane Manase awa Makyiri ye bosofoɛ maa bɛtenane berɛ.

Yosua 15:38

Dilan, Misepe, Yokete Ɛl,

Yosua 17:1

Bɛmane Manase abusua kure ne aseɛ, ofikyɛ Manase yeɛ ɔte Yosef bamuɛbaa ɔ. Gileade ne Basan aseɛ ne, bɛfa bɛmane Manase bamuɛbaa Makyiri bɔ ɔwa ole Gileade ne, ofikyɛ né Makyiri te koɛhonɛniɛ.

Yosua 18:26

Misepe, Kefira, Mosa,

Yosua 22:12

Na mmerɛ bɔ Yisraelfoɛ ngaa ne tele sɔ dwirɛ nen, Yisrael maen ye amukoraa boaboale bɛ noa wɔ Silo, kyɛ bɛkwaafa koɛ bɛtoa bɛ.

Yosua 22:9

Yiti Rubenfoɛ, Gadefoɛ ne Manase abusua kure ne bue yakyili Yisraelfoɛ ngaa ne wɔ Silo, bɔ ɔwɔ Kanaan aseɛ so. Na besili nu kyɛ besa bɛkɔ Gileade bɔ ɔte bɛ bɔbɔ b’aseɛ ne aso; aseɛ bɔ begyinane AWURADE ahyɛdeɛ bɔ ɔnate Mose so bɛfale ne.

Yosua 4:13

Mmenia kɔyɛ apee aburanna, bɔ basiesie bɛ nwo bɛkɔ koɛ yeɛ bɛpɛle asue ne ɔ, na bɛhɔle koɛ wɔ Yeriko aseɛ frɛtɛɛ ne aso wɔ AWURADE nyunu.

Maenbulɛfoɛ 10:17

Yeɛ Amonfoɛ yɛle koɛ nwo anwoboa, na bɛɛkyekyele b’asikyeleɛ wɔ Gileade. Yisraelfoɛ koso boale bɛ noa, na bɛɛkyekyele b’asikyeleɛ wɔ Misepa.

Maenbulɛfoɛ 11:11

Yiti Yɛfeta ne Gileade mbanyi nemɔ sili nu bɛhɔle, na Gileadefoɛ bɔle ye bɛ so panyi ne safohene. Na Yɛfeta fale ye dwirɛ amukoraa tole AWURADE nyunu wɔ Misepa.

Maenbulɛfoɛ 11:34

Afei Yɛfeta sa wale ye awuro wɔ Misepa. Na edwirɛ nwanwa! Ɔwa brasua ne le akasaa ne abilie fitele kyɛ ɔbaayia ye! Né odi ye bahorɛ. Né olle baa bienzua anaa baa brasua ko boka ye so.

Maenbulɛfoɛ 18:29

Bɛfale kuro ne bɛtole bɛ nana Dan bɔ ɔte Yisrael awa ne. Nakoso daa ne, né kuro ne dumaa li Layise.

Maenbulɛfoɛ 20:11

Yiti Yisraelfoɛ amukoraa, bɛbɔle nu kyɛ bɛfa koɛ bɛkɔteta kuro ne.

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:2

Na Yisrael mbanyi amukoraa, mbanyi bɔ bɛlela mmusua kure ne amukoraa noa, beegyinane nekaa bɔ Nyameɛ mmenia babɔ dwaa ne. Koɛhonɛfoɛ bɔ betiratira akodeɛ bɔ babɔ dwaa ne, né bɛ somaa te apee ɛyaa nna.

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

Maenbulɛfoɛ 20:8

Mmenia ne amukoraa bɛbɔle nu bedwɔsole, na bɛhane kyɛ, “Yɛ nu biala ngɔhɔ ye ɛtena sua nu, yeɛ yɛ nu biala ngosa ngɔhɔ ye awuro.

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

1 Samuel 10:17

Samuel tole asaa frɛle Yisrael maen ne maa bɛwale AWURADE nyunu wɔ Misepa,

1 Samuel 3:20

Na Yisrael amukoraati, fite Dan bɔ ɔkwaadwu Beɛ Hyeba, benwuni kyɛ Samuel te AWURADE ngɔmhyɛlɛniɛ amba.