Maenbulɛfoɛ 2:4 - AHYERƐLƐ KRONGRON

⁴ AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.

Maenbulɛfoɛ 2:4 Iomraidhean Croise

Ɛsra 10:1

Mmerɛ bɔ Ɛsra gu so ɔbɔ mbaeɛ, bɔ ole esuɛ ode bɛ bɔne to nu, bɔ né wafa ye nyunu wabutu berɛ wɔ Nyameɛ awuro ne anyunu berɛ ne, Yisraelfoɛ pembepembe, mmienzua ne mmrasua ne ngwadaa bɛɛpɛle ye nwo beyiale, na bɛ koso besuni hahii.

Anyandera 17:10

Sɛ etwi badwemma nyunu a, ɔkɔ ye nu tra kyɛ ekofi kwaseaa mbire ɛyaa ɔ.

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Luka 6:21

“Ɛmɔ bɔ ɛhɔen ku ɛmɔ kekesaala ye ɔ, ɛmɔanya saleɛ, ofikyɛ bɛkɔma ɛmɔ ko koyi. “Ɛmɔ bɔ ɛmɔsu kekesaala ye ɔ, ɛmɔanya saleɛ, ofikyɛ ɛmɔkɔsere.

Luka 7:38

na oogyinane Yesu si wɔ ye gya nwo berɛ, osuni, na ɔhyɛle ye bo porole moen guale ye gya so, ɔfale ye ti nwiaa nununi, ɔfele ye gya bo, na ɔfale sakyeɛfona ne popale ye gya bo.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Yakobo 4:9

Ɛ́mɔli yealɛ, ɛ́mɔma ɛmɔ wora bɔ, ná ɛ́mɔsu! Ɛ́mɔma ɛmɔ aserekyekye kakyi aworabɔlɛ, ná ɛmɔ ahurusililɛ kakyi anwumvoin anwumvoin.

Maenbulɛfoɛ 2:3

Yiti afei menwa, mengɔfoa bɛ mengofi ɛmɔ nyunu; na mmom bɛkɔkakyi ɛmɔ pɔfoɛ, na bɛ mmosoen nemɔ kɔyɛ ɛmɔ so ngaen.”

Maenbulɛfoɛ 2:5

Yeɛ bɛfrɛle berɛ Bokim, na bɛbɔle afɔleɛ wɔ berɛ bɛmane AWURADE.

1 Samuel 11:4

Ɛbɔfoɛ nemɔ dwuli Sɔɔlo kuro Gibea, na bɛfale edwirɛ ne nwo amaneɛ bɛbɔle berɛ ama nen, mmenia ne amukoraa bɛsɔle awuyebɔlɛ nu.

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.