Maenbulɛfoɛ 2:22 - AHYERƐLƐ KRONGRON

²² Kyɛbɔ ɔkɔyɛ ná AWURADE aso Yisrael wanea, kyɛ aso bekotie ye dwirɛ kyɛbɔ bɛ nana mɔ tiele ne, anaakyɛ bengotie,

Maenbulɛfoɛ 2:22 Iomraidhean Croise

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

2 Aberɛso Dwirɛ 32:31

Nakoso mmerɛ bɔ Babilɔn ɛbɔfoɛ mɔ bɛwale beebisale ye dwirɛ bɛfale anwanwadeɛ bɔ wasi wɔ ye maen ne anu anwo ne, Nyameɛ anga mmuayɛɛ bɔ ɔfa ma bɛ ɔ wangyire ye, ofikyɛ né ɔfa oso ye nea onwu bɔ ɔwɔ ye ti anu ɔ amukoraa.

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

Edwein 66:10

Ofikyɛ wɔ, ao Nyameɛ, aso yɛ anea; aso yɛ anea kyɛbɔ bɛpɔ ɛdwetɛ nwo wɔ see nu ɔ.

Ɛksadɔso 15:25

Yiti Mose sũ frɛle AWURADE, na AWURADE hyirele ye bakaa bie. Ogyili bakaa ne tole nzue ne anu, na nzue ne yɛle fɛ. AWURADE yɛle ahyɛdeɛ ne nhyehyɛleɛ mane bɛ wɔ berɛ, na osole bɛ neane wɔ berɛ.

Anyandera 17:3

Bɛfa bokyea bɛpɔ ɛdwetɛ nwo, yeɛ bɛfa afaa bɛpɔ sikaa kɔkorɛ nwo, nakoso AWURADE yeɛ oso adwene nea ɔ.

Deuteronomi 13:3

ye de nnɛtie sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne dwirɛ. Ofikyɛ AWURADE ɛmɔ Nyameɛ óso ɛmɔ nea onwu ye kyɛ, aso ɛmɔ ahone mukoraati ne ɛmɔ kra mukoraati yeɛ ɛmɔfa bekuro AWURADE ɛmɔ Nyameɛ dwirɛ ne a.

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

Maenbulɛfoɛ 2:23

yiti AWURADE yakyili sɔ maen nemɔ maa bɛhale berɛ, na wamvoa bɛ mukoraati berɛ ne ala, na wamva bɛ wanwura Yosua sa.