Maenbulɛfoɛ 2:18 - AHYERƐLƐ KRONGRON

¹⁸ Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.

Maenbulɛfoɛ 2:18 Iomraidhean Croise

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

2 Ahemvo 13:4

Nakoso Yehoahase sũ frɛle AWURADE, na AWURADE tiele ye, ofikyɛ AWURADE nwuni kyɛbɔ Siria hene osi teetee Yisraelfoɛ ɔ.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 90:13

Ao AWURADE, sa baanea yɛ! Okoodwu kyinzu? Nwu wɔ somvoɛ mɔ anwumvoin!

Ɛksadɔso 2:24

Nyameɛ tele b’awuyebɔlɛ ne, na ɔkayele apam bɔ ɔne Abraham, Yisake ne Yakob bɛyɛle ne.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 32:14

Yiti AWURADE sesane ye adwene wɔ musue bɔ ɔyɛle kyɛ ɔkɔmaa ɔkɔto ye mmenia ne anwo.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Yona 3:10

Na Nyameɛ nwuni bɔ bɛyɔle ne, kyɛ bayakyi bɛ bɔne yɔleɛ ne, yiti Nyameɛ sesane ye adwene wɔ musue bɔ ɔhane kyɛ ɔkɔprapra kogua bɛ so ne anwo, na wamma wando bɛ.

Numeri 10:9

Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

Maenbulɛfoɛ 11:32

Yiti Yɛfeta pɛle nu hɔle Amonfoɛ berɛ ɔfale koɛ ɔɔtetale bɛ, na AWURADE fale bɛ wurale ye sa.

Maenbulɛfoɛ 2:19

Nakoso sɛ sɔ maenbulɛniɛ ne wu pɛ, né basa bɛ si baabɔ bra tɛɛ bɔ ɔtra bɛ nana mɔ deɛ ne ɔ. Bekodi nyameɛ foforɛ mɔ si, bɛso bɛ ná bɛkoto bɛ. Bɛnyakyi bɛ yɔleɛ tɛɛ anaa b’asoserɛ ne anu biala.

Maenbulɛfoɛ 3:9

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Otiniɛl bɔ ɔse ole Kalebo aliɛma bienzua kãa Kenase ne.

Maenbulɛfoɛ 6:12

AWURADE abɔfo ne yele ye nwo ali hyirele Gideon, na osele ye kyɛ, “Koɛhonɛniɛ ahoneserɛniɛ, AWURADE gyi wɔ si.”

Maenbulɛfoɛ 6:16

Na AWURADE sele ye kyɛ, “Ngogyina wɔ si, na ekohũhũ Midianfoɛ nemɔ amukoraati.”