Maenbulɛfoɛ 2:17 - AHYERƐLƐ KRONGRON

¹⁷ Nakoso maenbulɛfoɛ nemɔ po, Yisraelfoɛ andie bɛ; ofikyɛ Yisraelfoɛ beelili nyameɛ foforɛ biemɔ si bɛkotole bɛ. Bɛ nana mɔ bɔ belili AWURADE mmeraa dwirɛ so ne, Nyameɛ dwirɛ bɔ belili so ne, wangyɛ yeɛ Yisraelfoɛ lili ye nwo makyebu ɔ. Bɛ de, banni so.

Maenbulɛfoɛ 2:17 Iomraidhean Croise

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Edwein 106:43

AWURADE pepɛ lele bɛ mmerɛ pee, nakoso bɛhyɛle da bɛhɔle so bɛyɛle ye so asoserɛ, na ɔnate b’amumuyɛɛ ti, bɛbrɛle bɛ ase.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Yeremia 3:6

Nana Yosia aberɛ so, AWURADE sele me kyɛ, “Yisrael bɔ onni nahorɛ mma me ne, anwu bɔ wayɔ ɔ? Kyɛbɔ osi fo hɔle bokaa biala so, ná ɔhɔle bakaa monɛ biala abo ɔɔbɔle adwaman wɔ berɛ ɔ?”

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hosea 2:2

Ɛ́mɔdwudwo behyire ɛmɔ ani, ɛ́mɔdwudwo behyire ye, ofikyɛ nna me ye ɔ, yeɛ ye koso nna ohu ole me. Odi kyɛ ɔye ye gyanderabɔlɛ ne fi ye nye so, na ɔye ye agyaasɛkyelɛ ne fi ye nyɔfone mɔ b’afia.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

Galatiafoɛ 1:6

Ɔyɛ me nwanwa kyɛ wangyɛ biala yeɛ ɛmɔtwe ɛmɔ nwo befi ye nwo ɔ, ye bɔ ɔfrɛle ɛmɔ wale Kristo adom ne anu, ná ɛmɔkwaali nzɛmba foforɛ si ɔ.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Deuteronomi 31:18

Na ɔnate bɔne amukoraati bɔ bayɔ, bɔ baali nyameɛ foforɛ biemɔ asi ne ati, ngɔye me nye ngofi bɛ so sɔ kyẽa ne.

Deuteronomi 9:12

Afei AWURADE sele me kyɛ, ‘Dwɔso ná fi wa dwu kɔ aseɛnwo dɔ ndɛndɛ, ofikyɛ wɔ mmenia bɔ ɛɛyele bɛ fili Misraim wale ne babɔ musue. Edwirɛ bɔ nhyɛle bɛ kyɛ beli so ne, bali ye nwo makyebu ndɛndɛ so; na bahuro nikyee bayɔ amoen baso ye.’

Deuteronomi 9:16

Nneane, na nwuni kyɛ amba ɛmɔayɔ bɔne batia AWURADE ɛmɔ Nyameɛ: ɛmɔhurole nikyee bɛyɔle nandwie ba bɛsole ye, na edwirɛ bɔ AWURADE hyɛle ɛmɔ kyɛ ɛmɔli so nen, ɛmɔhwi bɛfale so ndɛndɛ so.

Yosua 24:24

Na maen ne buale Yosua kyɛ, “AWURADE yɛ Nyameɛ yeɛ yɛkɔso ye ɔ, na ye dwirɛ so yeɛ yɛkoli ɔ.”

Yosua 24:31

Mmerɛ amukoraa bɔ né Yosua te ase ne, Yisrael sole AWURADE. Na Yosua wue asi ne koso, maen ne anu mbanyi bɔ né bɛtɛ te ase, ná afei benwuni nikyee biala bɔ AWURADE ayɔ ama Yisrael nen, mmerɛ mukoraa bɔ né bɛte ase ne, Yisrael hɔle so sole AWURADE.

Maenbulɛfoɛ 2:7

Mmerɛ amukoraa bɔ né Yosua te ase ne, maen ne sole AWURADE. Na Yosua wue asi ne koso, maen ne anu mbanyi bɔ né bɛtɛ te ase, ná afei benwuni anwanwadeɛ amukoraa bɔ AWURADE ayɔ ama Yisrael nen, mmerɛ mukoraa bɔ né bɛte ase ne, Yisrael hɔle so sole AWURADE.

Maenbulɛfoɛ 8:33

Gideon wuli pɛ yeɛ Yisraelfoɛ hyɛle ye bo besa bɛɛsɔnene Baal mɔ ɔ, na bɛfale Baal Berite bɛkakyili bɛ nyameɛ.

1 Samuel 12:12

Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 12:19

Na maen ne mukoraa sele Samuel kyɛ, “Srɛ AWURADE wɔ Nyameɛ ma wɔ ngoaa ná yanwuwu, ofikyɛ ɛhene bɔ yabisa yale nwo amumuyɛɛ ne, yafa yafoa yɛ bɔne amukoraa so.”