Maenbulɛfoɛ 2:16 - AHYERƐLƐ KRONGRON

¹⁶ Yeɛ AWURADE yele maenbulɛfoɛ mane Yisraelfoɛ maa belele bɛ befili apaabɔlɛfoɛ nemɔ sa nu.

Maenbulɛfoɛ 2:16 Iomraidhean Croise

2 Samuel 7:11

fite mmerɛ bɔ nyele maenbulɛfoɛ maa beelili me maen Yisrael so ne ala. Ngɔma wɔ asomdwee ngofi wɔ pɔfoɛ amukoraa bɛ sa nu. Asa koso, AWURADE ka kyire wɔ kyɛ, ɔkɔma wɔ boso ama kɔhɔ so koli hene.

Nehemia 9:27

Yiti ɛfale Yisraelfoɛ wurale bɛ pɔfoɛ mɔ sa maa bɛhyɛle bɛ so. Na b’amaneɛnwunɛ nu ne, besu bɛfrɛle wɔ, na etiele bɛ mbaeɛ fili nyameɛso. Na kyɛbɔ w’anwumvoinnwunɛ piri ne te ne, ɛyele defoɛ mɔ mane bɛ maa bɛpepɛ belele bɛ befili bɛ pɔfoɛ mɔ sa nu.

Asomafoɛ 13:20

Ɛhe amukoraa hɔle so afoɛ kɔyɛ ɛyaa nna ne aburannu. Na ɛhe asi ne, Nyameɛ mane bɛ ndɛenbualɛfoɛ tonn maa oodwuli ngɔmhyɛlɛniɛ Samuel aberɛ so.

Maenbulɛfoɛ 10:1

Abimɛlɛke wue asi ne, Tola bɔ ɔse ole Pua bɔ ye koso ɔse ole Dodo bɔ ofi Yisaka abusua kure nu ne, otuli ye nwo siele berɛ kyɛ ɔkɔpepɛ kole Yisrael. Samiri bɔ ɔwɔ Efraim mmokaa aseɛ so ne, berɛ yeɛ né Tola te ɔ.

Maenbulɛfoɛ 11:32

Yiti Yɛfeta pɛle nu hɔle Amonfoɛ berɛ ɔfale koɛ ɔɔtetale bɛ, na AWURADE fale bɛ wurale ye sa.

Maenbulɛfoɛ 3:15

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Ehude bɔ ɔse ole Benyaminniɛ Gera ne. Ehude te bɛen.

Maenbulɛfoɛ 3:31

Ehude ewue asi ne, Anate awa Samega dwɔsole, ná ɔfale pɔmaa bɔ bɛfa bɛka nandwie huni Filistifoɛ ɛyaa nzia. Ye koso ɔɔpepɛ lele Yisrael.

Maenbulɛfoɛ 4:5

Né ɔtaa tena Debora ayee bɔ ɔwɔ Rama ne Betel b’afia ne abo, wɔ Efraim mmokaa aseɛ ne aso. Berɛ yeɛ né Yisraelfoɛ fa b’edwirɛ bɛbato ye nyunu maa odi ɔ.

Maenbulɛfoɛ 6:14

Na AWURADE pɛle ye nye neane ye sele kyɛ, “Anwoserɛ bɔ ele ye ne, fa kɔ kole Yisraelfoɛ fi Midian sa nu. Me yeɛ masoma wɔ ɔ.”

Rutu 1:1

Mmerɛ bɔ né maenbulɛfoɛ yeɛ bɛla Yisraelfoɛ bɛ noa ne, ɛhɔen piri bie wale maen ne anu. Na biaa bie bɔ ofi Betlehem bɔ ɔwɔ Yuda ɔ otu ɔɔtenane Moabo aseɛ so. Ɔne ɔye ne ye mma mmienzua nyɔ yeɛ bɛhɔle ɔ.

1 Samuel 12:11

Na AWURADE somane Yerubaal, Bedan, Yɛfeta ne Samuel; na ɛmɔ pɔfoɛ mɔ bɔ bapɛ ɛmɔ nwo bayia ne, ɔpepɛ lele ɛmɔ fili bɛ sa nu maa ɛmɔtenane asomdwee nu.

1 Samuel 14:48

Ohyirele kyɛ ye ahone yɛ se. Olili Amalɛkefoɛ so ngonim. Na mmenia bɔ bɛbɔ Yisrael so apaa ne, olele Yisrael fili bɛ sa nu.