Maenbulɛfoɛ 2:13 - AHYERƐLƐ KRONGRON

¹³ Bɛyakyili AWURADE si lilɛ, na bɛsole Baal ne Astarote.

Maenbulɛfoɛ 2:13 Iomraidhean Croise

1 Ahemvo 11:33

Ofikyɛ Solomon apo me waasɔne Sidonfoɛ bosoen brasua Asetate ɔne Moabofoɛ bosoen Kemose, yeɛ Amonfoɛ bosoen Milkom, na wanni me dwirɛ so. Wanyɔ bɔ ɔtengyɛ wɔ me nye so ɔ, yeɛ wanni m’ahyɛdeɛ ne me nhyehyɛleɛ so kyɛbɔ ye baba Dawide de olili so ne.

1 Ahemvo 11:5

Na Solomon sɔnene Sidonfoɛ bosoen brasua Asetate, ɔne Amonfoɛ bosoen Milkom bɔ ɔte akyiwadeɛ ne.

2 Ahemvo 23:13

Asɔneyɛɛ nemɔ bɔ bɛwɔ Yerusalem eyia afiteleɛ so, wɔ Ewue Bokaa ne ngwaen, bɔ Yisrael hene Solomon osi mane Sidonfoɛ bosoen Asetate bɔ ɔte akyiwadeɛ, Moabofoɛ bosoen Kemose bɔ ɔte akyiwadeɛ ɔne Amonfoɛ bosoen Milkom bɔ ɔte akyiwadeɛ ne, Nana Yosia fale efiɛ hane bɛ.

2 Aberɛso Dwirɛ 12:2

Nana Rehoboam lili bia ne, ye afoɛ nnu ne anu, ɔnate kyɛ né bayɛ AWURADE so asoserɛ ne ati, Misraim hene Sisake fale koɛ ɔtoale Yerusalem.

2 Aberɛso Dwirɛ 28:3

Ɔyerale ɛyɛɛ wɔ Hinom Awa bɔnza ne anu, na ɔfale ye mma mmienzua bɔle afɔleɛ wɔ see nu, kyɛbɔ maen maen mɔ bɔ AWURADE foane bɛ fili Yisraelfoɛ nyunu ne, bɛ musue nningyein bɔ né bɛyɔ ne, ɔte ne ala.

2 Aberɛso Dwirɛ 33:3

Ofikyɛ bosoen asɔneyɛɛ mɔ bɔ Manase baba Hesekia obubuli bɛ ne, Manase sa sisili. Osisili Baal mɔ b’afɔleɛ mmokyea, na ogyinane Asera dosii mɔ. Ɔsɔnene ewienu abɔdeɛ amukoraa na ɔsole bɛ.

2 Aberɛso Dwirɛ 7:22

Na bekobua kyɛ, ‘AWURADE bɛ nana mɔ Nyameɛ bɔ ɔyele bɛ fili Misraim aseɛ so wale ne, bapo ye baali nyameɛ foforɛ biemɔ asi baso bɛ basɔne bɛ. Ɔnate sɔ ti yeɛ AWURADE ama amaneɛ kandinga he wato bɛ ye.’ ”

Edwein 106:36

Bɛsɔnene bɛ mmosoen nemɔ, na ɛhe yɛle bɛ so ngaen.

Yeremia 16:11

ye de se bɛ kyɛ, ‘Ɔnate kyɛ ɛmɔ nana mɔ apo me, AWURADE noa dwirɛ ɛne; baali nyameɛ foforɛ mɔ si baso bɛ basɔne bɛ, na bapo me, yeɛ banni me mmeraa so,

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.

Numeri 25:3

Yisrael fale ye nwo wurale bosoen Baal Peɔ bo, yiti AWURADE fɛle Yisrael so yaa paa.

1 Korintofoɛ 8:5

Ye po sɛ nikyee biemɔ bɔ bɛfrɛ bɛ nyameɛ wɔ berɛ a, sɛ bɛwɔ nyameɛso oo, anaa aseɛ so oo, kyɛbɔ nyameɛ pee ne meneɛ pee wɔ berɛ ne,

Maenbulɛfoɛ 10:6

Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.

Maenbulɛfoɛ 2:11

Yisraelfoɛ yɔle bɔ ɔte bɔne wɔ AWURADE nyunu ɔ, na bɛsole mmosoen Baal.

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.

1 Samuel 12:10

Afei besu bɛfrɛle AWURADE kyɛ, “Yayɔ bɔne, ofikyɛ yayakyi AWURADE si lilɛ yaaso Baal mɔ ne Astarote mɔ. Nakoso, de yɛ fi yɛ pɔfoɛ mɔ sa nu, na yɛkɔso wɔ.’

1 Samuel 31:10

Bɛfale ye akodeɛ ne beeguale bosoen Astarote asɔneyɛɛ sua nu, na bɛfale ye fuin ne besinzele kuro bɔ oli Bete San fasue nwo.

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”