Maenbulɛfoɛ 19:4 - AHYERƐLƐ KRONGRON

⁴ Taluwa ne baba bɔ ɔte Lewiniɛ ne sia ne, ɔmaa Lewiniɛ ne sikyele ye awuro olili berɛ ɛlɛsa. Yiti bedidili bɛnone na ɔtenane berɛ.

Maenbulɛfoɛ 19:4 Iomraidhean Croise

Gyenesise 24:55

Nakoso Rebɛka aliɛma ne oni besele kyɛ, “Ma taluwa ne ɔtena yɛ wa kãa, kɔyɛ eleburu, na ye si ye wahɔ.”

Gyenesise 25:6

Nakoso Abraham sómaa nemɔ bɛ mma de, ɔhyɛle bɛ nningyein, na mmerɛ bɔ né ɔte ase ne, ɔmaa bɛhwene bɛ nwo befili ɔwa Yisake nwo bɛhɔle eyia afiteleɛ aseɛ ne aso dɔ.

Maenbulɛfoɛ 19:3

Yeɛ ohu ne pole ye so kyɛ ɔkwaagu se ye maa osa ba. Ɔne ye somvoɛ ne afunum nyɔ yeɛ bɛhɔle ɔ. Oodwuli braa ne baba awuro berɛ ne, taluwa ne baba nwuni ye, na ooyiale ye nyemene so.

Maenbulɛfoɛ 19:5

Ye ɛlɛnna ne aso, bedwɔsole ngyerɛmɔ tutuutu, na Lewiniɛ ne boaboale ye nwo kyɛ ɔkɔ ye kuro. Nakoso ye sia bienzua ne sele ye kyɛ, “Didi kãa nya anwoserɛ koraka né ahɔ.”