Maenbulɛfoɛ 19:2 - AHYERƐLƐ KRONGRON

² Nakoso ye sómaa ne fɛle ye so yaa. Braa ne fili ye berɛ sa hɔle ɔse awuro wɔ Betlehem bɔ ɔwɔ Yuda, na oolili kɔyɛ bosome nna.

Maenbulɛfoɛ 19:2 Iomraidhean Croise

Hesekiel 16:28

Asiriafoɛ koso, ɛfale wɔ nwo mane bɛ wɔ wɔ gyanderabɔlɛ ne anu, ofikyɛ gyandera bɔ ɛbɔle ne, wanzo wɔ. Amba, ɛfale wɔ nwo mane bɛ wɔ wɔ gyanderabɔlɛ nu, nakoso wanzo wɔ.

Lewitikɔso 21:9

Sɛ ɔsɔfo awa brasua bɔ adwaman fa gua ye bɔbɔ ye nwo fiɛ a, ye de wagua ye baba nwo fiɛ, odi kyɛ bɛyera baa brasua ne.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Maenbulɛfoɛ 17:7

Né aberandeɛ bie fi Betlehem bɔ ɔwɔ Yuda. Ofi Yuda abusua nu. Ɔte Lewiniɛ bɔ waatena berɛ ɔ.

Maenbulɛfoɛ 19:1

Mmerɛ bɔ né ɛhene biala nne Yisrael nen, né Lewiniɛ bie te namue bie anu bɔ ɔwɔ dedeede wɔ Efraim mmokaa aseɛ ne aso. Ɔɔfale sómaa wɔ Betlehem bɔ ɔwɔ Yuda.

Maenbulɛfoɛ 19:3

Yeɛ ohu ne pole ye so kyɛ ɔkwaagu se ye maa osa ba. Ɔne ye somvoɛ ne afunum nyɔ yeɛ bɛhɔle ɔ. Oodwuli braa ne baba awuro berɛ ne, taluwa ne baba nwuni ye, na ooyiale ye nyemene so.