Maenbulɛfoɛ 19:15 - AHYERƐLƐ KRONGRON

¹⁵ Bɛmakyele bɛhɔle Gibea kyɛ bɛkwaala berɛ. Lewiniɛ ne hɔle kuro ne anu ɔɔtenane kuro ne dwaaso, nakoso ebiala wamva bɛ wangɔ ye awuro kyɛ beesikye berɛ sɔ kɔngɔen ne.

Maenbulɛfoɛ 19:15 Iomraidhean Croise

Mateo 25:35

Ofikyɛ ɛhɔen huni me, na ɛmɔmane me nikyee maa nnili; nzuhɔen huni me, na ɛmɔmane me nzue maa nnone; nyɛle wɔfoɛ, na ɛmɔsikyele me ɛmɔ awuro;

Mateo 25:43

nyɛle ɛwɔfoɛ, nakoso ɛmɔanzikye me ɛmɔ awuro; me nwo lale so, nakoso ɛmɔangera me tena; me nwo yɛle me yea, yeɛ ngɔnale kuku nu, nakoso ɛmɔammannea me.’

Hebrifoɛ 13:2

Ɛ́mɔnea kyɛ ɛmɔkole ɛwɔfoɛ mɔ wɔ ɛmɔ awuro ɔ, ofikyɛ ebiemɔ fale sɔ atee he aso besikyele Nyameɛ abɔfo mɔ wɔ b’awuro bɔ né bɛnze ɔ.

Maenbulɛfoɛ 19:14

Yiti bɛtoale b’ateetulɛ ne aso; na eyia tɔle ne, né bapingye Gibea bɔ ɔte Benyamin kuro ne.

Maenbulɛfoɛ 19:16

Aleɛ dwole ne, benwuni biaa aworowaa bie kyɛ ofi ye fieso ɔba. Biaa ne fi Efraim mmokaa aseɛ ne aso, na Gibea yeɛ né ɔte ɔ. (Kuro berɛ ama te Benyaminfoɛ.)

Maenbulɛfoɛ 19:18

Lewiniɛ ne buale ye kyɛ, “Yɛfi Betlehem bɔ ɔwɔ Yuda, na yɛsẽ yɛkɔ namue bie bɔ ɔwɔ dedeede anu wɔ Efraim mmokaa aseɛ ne aso. Berɛ yeɛ mvi ɔ. Ngɔle Betlehem bɔ ɔwɔ Yuda, na mesa mekɔ AWURADE awuro. Nakoso ebiala ɔmmane me nekaa maa nnzikyele.

Maenbulɛfoɛ 20:4

Na Lewiniɛ bɔ ɔte braa bɔ behuni ye ne ahu ne, obuale kyɛ, “Mene me sómaa yɛhɔle Benyaminfoɛ kuro Gibea so yɛɛlale berɛ kɔngɔen.