Maenbulɛfoɛ 19:11 - AHYERƐLƐ KRONGRON

¹¹ Ɔka kãa maa bedwu Yebusi ne, né aleɛ adwo. Na somvoɛ ne sele ye mene kyɛ, “Maa yɛmakye yɛhɔ Yebusifoɛ kuro ye aso na yɛɛla berɛ ɛnɛ kɔngɔen ye.”

Maenbulɛfoɛ 19:11 Iomraidhean Croise

Gyenesise 10:16

Yebusifoɛ, Amorifoɛ, Gɛgasifoɛ,

2 Samuel 5:6

Yebusifoɛ bɔ né bɛte aseɛ ne aso ne, Nana Dawide ne ye koɛhonɛfoɛ sili nu hɔle Yerusalem bɛɛfale koɛ bɛtoale bɛ. Na Yebusifoɛ sele Dawide kyɛ, “Ɛngɔhora wa ba, ofikyɛ anyesiniwaafoɛ ne mmubuafoɛ mɔ po bɛkɔfoa wɔ maa ekosa.” Besusuli kyɛ Dawide ngɔhora ngowura kuro ne anu.

1 Aberɛso Dwirɛ 1:14

na Kanaan boso ama ole Yebusifoɛ, Amorifoɛ, Gɛgasifoɛ,

Yosua 15:63

Nakoso Yebusifoɛ bɔ né bɛte Yerusalem ne de, Yudafoɛ angora andu bɛ bamvi berɛ; yiti Yebusifoɛ ne Yudafoɛ batena Yerusalem toonn maa waadwu ɛnɛ.

Maenbulɛfoɛ 1:21

Nakoso Benyaminfoɛ bandu Yebusifoɛ bɔ né bɛte Yerusalem ne bamvi berɛ. Yiti Yebusifoɛ ne Benyaminfoɛ babɔ nu batena Yerusalem maa waadwu ɛnɛ.

Maenbulɛfoɛ 19:10

Nakoso Lewiniɛ ne wambene so kyɛ ɔkɔla berɛ sɔ kyẽa ne. Osili nu, na oodwuli Yebusi (ye ala ole Yerusalem) ndendeneɛ so. Ɔne ye afunum nyɔ bɔ nningyein gua bɛ so, ɔne ye sómaa ne yeɛ bɛhɔle ɔ.

Maenbulɛfoɛ 19:12

Nakoso ye mene sele ye kyɛ, “Amanvorafoɛ mɔ bɔ nna Yisraelfoɛ ahɔ ɔ ne de, yɛngɔhɔ bɛ kuro so; na mmom yɛkɔtoa so yɛkɔhɔ Gibea.”

Maenbulɛfoɛ 19:19

Wɔ ngoaa mɔ, yɛle ɛserɛ ne nzenzaen bɔ yɛkɔfa yɛkɔma yɛ afunum mɔ ɔ, yeɛ me ne braa ye ne aberandeɛ bɔ ɔboka yɛ so ye, yɛle aleɛ ne nzaa. Yɛnhia hwee ko.”