Maenbulɛfoɛ 19:10 - AHYERƐLƐ KRONGRON

¹⁰ Nakoso Lewiniɛ ne wambene so kyɛ ɔkɔla berɛ sɔ kyẽa ne. Osili nu, na oodwuli Yebusi (ye ala ole Yerusalem) ndendeneɛ so. Ɔne ye afunum nyɔ bɔ nningyein gua bɛ so, ɔne ye sómaa ne yeɛ bɛhɔle ɔ.

Maenbulɛfoɛ 19:10 Iomraidhean Croise

2 Samuel 5:6

Yebusifoɛ bɔ né bɛte aseɛ ne aso ne, Nana Dawide ne ye koɛhonɛfoɛ sili nu hɔle Yerusalem bɛɛfale koɛ bɛtoale bɛ. Na Yebusifoɛ sele Dawide kyɛ, “Ɛngɔhora wa ba, ofikyɛ anyesiniwaafoɛ ne mmubuafoɛ mɔ po bɛkɔfoa wɔ maa ekosa.” Besusuli kyɛ Dawide ngɔhora ngowura kuro ne anu.

Yosua 15:63

Nakoso Yebusifoɛ bɔ né bɛte Yerusalem ne de, Yudafoɛ angora andu bɛ bamvi berɛ; yiti Yebusifoɛ ne Yudafoɛ batena Yerusalem toonn maa waadwu ɛnɛ.

Yosua 15:8

Ɛwɛen ne fo kɔfa Hinom Awa bɔnza ne anu, wɔ Yebusifoɛ bokaa ne ngwaen dɔ (bɔ ye ole Yerusalem). Bokaa bɔ ɔwɔ Hinom bɔnza ndendeneɛ so ne, ɛwɛen ne nate ye anwuro dɔ, wɔ eyia atɔleɛ, wɔ Refaim bɔnza ne sorɔ dɔ.

Yosua 18:28

Sela, Haelefe, Yebusi (bɔ ye ole Yerusalem), Gibea ne Kiriate Yearim: bɛte nguro buru ne nna ne bɛ namue mɔ. Benyamin abusua kure ne, kyɛbɔ nu mmusua mmusua ne te ne, ye aseɛ deɛ ɛne.

Maenbulɛfoɛ 1:8

Afei Yudafoɛ fale koɛ bɛɛtetale Yerusalem, na bɛho bɛfale kuro ne. Bele ngrandɛ behuhuni nu ama, na bɛtole kuro ne anu see.

Maenbulɛfoɛ 19:9

Mmerɛ bɔ Lewiniɛ ne, ye sómaa ne, yeɛ ye somvoɛ ne bedwɔsole kyɛ bɛkɔ ne, taluwa ne baba bɔ ɔte Lewiniɛ ne sia ne, osele Lewiniɛ ne kyɛ, “Nea, mmerɛ ahɔ, aleɛ ayie sa. Ɛ́mɔla wa ɛnɛ, na aleɛ adwo. Ɛ́mɔla wa ɛnɛ, ná ma wɔ nye gye. Ɛhema ɛmɔkɔhora bekodwɔso ngyerɛmɔ tutuutu bekosi nu bɛkɔhɔ ɛmɔ kuro.”