Maenbulɛfoɛ 18:7 - AHYERƐLƐ KRONGRON

⁷ Mmienzua nnu ne toale b’ateetulɛ ne aso, na beedwuli Layise ne, benwuni kyɛ berɛ ama te berɛ asomdwee nu kyɛ Sidonfoɛ nemɔ ala, bɔ bɛndwene kyɛ edwirɛ tɛɛ bie kɔto bɛ ɔ. Né banya bɛ nwo tam bɔ hwee nhia bɛ ɔ. Afei koso né bembingye Sidonfoɛ koraa, yeɛ né bɛ ne Siriafoɛ koso belle hwee bɛnyɔ.

Maenbulɛfoɛ 18:7 Iomraidhean Croise

1 Ahemvo 1:6

Ye baba anga ye nyunu, yeɛ wammisa ye le kyɛ, “Nzu ati yeɛ ɛyɔ sɔ ye?” Né Adoniya nwo yɛ nyemene paa, na Dawide wole Absalom koraka yeɛ ɔwo ye ɔ.

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

1 Aberɛso Dwirɛ 4:40

Benwuni ngaka aleɛ bɔ ɔte monɛ frɔmfrɔm ɔ. Né aseɛ ne te tɛtrɛtɛɛ, yeɛ so te konn bɔ basabasa biala ɔnne so ɔ, ofikyɛ daa ne, né Ham boso ama yeɛ bɛte berɛ ɔ.

Yeremia 49:31

“Ɛ́mɔdwɔso, ɛ́mɔfa koɛ bɛɛtoa maen bɔ ye nwo atɔ ye, bɔ ɔte asomdwee nu, bɔ olle pambim mɔ anaa buralɛ bɔ ɔbeabea pambim mɔ si, maen bɔ ye ngome yeɛ ɔte berɛ ne, AWURADE noa dwirɛ ɛne.

Romanfoɛ 13:3

Bɛ bɔ bɛ yɔleɛ te paa ne, maen mbanyi nwo nyɛ suro mma bɛ, na mmom bɛ nwo yɛ suro ma bɛ bɔ benni dwirɛ paa ɔ. Aso enguro kyɛ ekosuro bɔ tumi wura ye sa anaa? Nzaade di dwirɛ paa, na ɔkɔkamvo wɔ.

Yosua 19:47

Nziɛ ye, Danfoɛ aseɛ ne fili bɛ sa, yiti bɛfale ngondii bɛɛtetale kuro bɔ bɛfrɛ ye Lesem. Belili so ngonim, na bɛfale ngrandɛ behuhuni berɛ ama. Bɛfale kuro ne, bɛtenane berɛ, bɛsesane kuro ne dumaa, na bɛfale bɛ nana Dan dumaa bɛtole so.

1 Petro 2:14

anaa amrado mɔ bɔ ɔsoma bɛ maa bɛkɔtwe nzɛmmɔnefoɛ so, ná bɛkamvo bɛ bɔ bɛyɔ bɔ ɔte paa ahɔ oo.

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

Maenbulɛfoɛ 18:29

Bɛfale kuro ne bɛtole bɛ nana Dan bɔ ɔte Yisrael awa ne. Nakoso daa ne, né kuro ne dumaa li Layise.

Maenbulɛfoɛ 18:6

Na ɔsɔfo ne buale bɛ kyɛ, “Ɛmɔhɔ asomdwee nu. Atee bɔ ɛmɔkɔ ye, AWURADE gyi ɛmɔ si.”

Maenbulɛfoɛ 18:8

Besale bɛ si bɛhɔle bɛ kuro ama berɛ wɔ Sora ne Esetao, na bebisale bɛ amaneɛ kyɛ, “Nekaa bɔ ɛmɔhɔle ɔ?”

1 Samuel 3:13

Mahã mahyire ye kyɛ mebaatua ye abusua so kerɛ afebɔɔ, ɔnate amumuyɛɛ bɔ ɔse ne ati; ofikyɛ ye mma nemɔ yɔle nningyein bɔ ɔte akyiwadeɛ wɔ AWURADE nyunu ne, wanyɔ bɛ huu.